Aımaqtar • 10 Tamyz, 2020

Qaıyrymdy polıseıler kópbalaly otbasyna kómek kórsetti

22 ret kórsetildi

Kópbalaly Ormanbaevtar otbasy Balqash aýdanynyń ortalyǵy – Baqanas aýylynda turady. Áýlettegi alty balanyń úsheýi mektepte oqıdy eken. Al bıylǵy oqý jylynyń bastalýyna oraı oqýshylarǵa qajetti qural-jabdyq, kitap, dápter alý áleýmettik jaǵynan qorǵalmaǵan áýletke salmaq bolǵaly tur. Osyn eskergen aýdannyń polıseıleri Ormanbaevtar otbasyna qol ushyn sozýdy uıǵardy, - dep habarlaıdy egemen.kz.

Jalpy, aýdandaǵy kópbalaly otbasylardy barlyq jaǵynan qoldaý jumysy júıeli túrde uıymdastyrylýda. Ásirese, karantın kezinde kómekke muqtaj adamdarǵa azyq-túlik sebetteri men medısınalyq kerek-jaraq túrlerin tegin jetkizip berý jolǵa qoıylǵan. Osy ıgi iske aýdannyń tártip saqshylary da únemi úles qosyp keledi eken.

"Qaıyrym jasaý úshin úlken júrek pen janashyr nıet kerek qoı. Biz de osy izgi maqsatqa jumylyp otyrmyz. Kópbalaly otbasyna kómek kórsetý týraly bastamany polısııa basqarmasynyń jeke quramy bir aýyzdan qoldady. Qyzmetkerler Ormanbaevtardyń úıine baryp, otbasyna medısınalyq betperde men qolǵaptar, azyq-túlik, sondaı-aq úıdegi úsh oqýshyǵa jańa oqý jylyna arnap barlyq keńse quraldaryn tabystady", - deıdi Balqash aýdandyq polısııa basqarmasy basshysynyń mindetin atqarýshy, podpolkovnıgi Nurgeldi Abırov.

Aıtpaqshy, balqashtyq polıseıler karantın kezindegi sanıtarlyq erejelerdiń saqtalýyn qatań qadaǵalap ári qoǵamdyq tártiptiń buzylmaýy úshin aıanbaı eńbek etip otyr. Munyń syrtynda turǵyndarǵa juqpaly indettiń qaýip-qateri jaıly túsindirip, jolaýshylarǵa tegin betperde de taratyp berýde.

"Juqpaly indet kezinde áleýmettik jaýapkershiliktiń joǵary bolýyna bárimiz bir kiásideı úles qosýymyz kerek. Polıseı úshin tártiptiń saqtalýy qanshalyqty mańyzdy bolsa, adamdardyń densaýlyǵyna beı-jaı qaramaýy da sonshalyq jaýapty mindetke aınaldy. Bul jerde biz karantın erejesin buzǵandarǵa shara qoldaýdan bólek, ár turǵynǵa indet qaýipi jaıynda túsindirip otyrmyz. Eldi meken turǵyndaryna tegin betperde taratamyz. Aýdan polıseıleriniń kúshimen, 1500 dana medısınalyq maska satyp alyp, turǵyndarǵa tabystadyq", - deıdi ákimshilik polısııa bóliminiń bastyǵy, podpolkovnık Balbek Lepesbaev.

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar