Abaı • 10 Tamyz, 2020

Búgin Abaı jaıly ár jyldary túsirilgen fılmder keshi ótedi

18 ret kórsetildi

10 tamyz kúni uly aqyn jáne aǵartýshynyń mereıtoıyn toılaý aıasynda Abaı Qunanbaevtyń ómiri jaıly ártúrli jyldary túsirilgen fılmder keshi ótedi, - dep habarlaıdy Egemen.kz.

Aqynnyń ómir tarıhyna jáne dúnıetanymy men shyǵarmashylyq jolyna áser etken oqıǵalarǵa shomý – kınokórsetilimniń maqsaty osy. Bul ıdeıa karantın kezinde keń aýdıtorııaǵa kınofılmderdi kórsetýdiń múmkin bolǵan jalǵyz qaýipsiz túri – avtomobıldik kınoteatrdyń ashylýynyń arqasynda júzege asyryldy.

"Tıketon" kompanııasymen ashylǵan avtomobıldik kınoteatr qazirdiń ózinde qazaqstandyq kınematografqa birneshe seans arnap otyr. Al endi Mádenıet jáne sport mınıstrligi, Ulttyq kınony qoldaý memlekettik ortalyǵy jáne Sh.Aımanov atyndaǵy "Qazaqfılm" kınostýdııasynyń qoldaýymen Abaı Qunanbaevtyń qurmetine ártúrli jyldary túsirilgen eki ómirbaıandyq kınokartınanyń ashyq kórsetilimin ótkizedi:

– "Abaı óleńderi" ("Pesnı Abaıa") – Muhtar Áýezovtyń "Abaı joly" shyǵarmasy boıynsha 1945 jyly túsirilgen rejısserler Grıgorıı Roshal jáne Efım Aronnyń kartınasy

– "Abaı" – rejısser Ardaq Ámirqulovtyń uly aqynnyń 150-jyldyǵyna oraı 1995 jyly túsirgen qazaqstandyq-fransýzdyq óndiristi kórkem fılmi.

Kınoteatrdyń jańa, al anyǵyn aıtqanda kópten umyt bolǵan ashyq aspan astyndaǵy eski pishimi óz jumysyn "Atakent" kórme ortalyǵynyń aýmaǵynda bastady jáne 200 avtokólikke eseptelgen. Oıdy júzege asyrýshylar is júzinde baılanyssyz qatysýdy qamtamasyz etti: bıletti tek saıtta ǵana satyp alýǵa bolady, búkil kınoseans kezinde kórermender bir-birinen edáýir qashyqtyqta turaqtaǵan avtokólikterdiń ishinde otyrady. Bul rette kelýshiler popkorn men sýsyndarǵa onlaın-kınobarda tapsyrys bere alady. Dámder zaýyttyq, aýa kirmeıtin qaptamada tikeleı avtokólikke jetkiziledi. Kórermenderdi orasan zor kınoteatrlyq ekran jáne ár avtokólikke radıotolqyn boıynsha beriletin sapaly dybys qarsy alady.

Sonymen birge RG Brand Kazakhstan kompanııasy Pepsi jáne Yeti saýda belgilerimen kınokórsetilim seriktesi bolady, kompanııa kelýshilerge tegin sýsyndar usynady.

Fılmderdiń kórsetilimi 20:30-da jáne 23:00-de ótedi. Tegin kórsetilimderge bıletterdi "Tıketon" avtokınoteatry saıtynda brondaýǵa bolady.

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar