Aımaqtar • 10 Tamyz, 2020

Merki-Shý-Býrylbaıtal tasjolynyń qurylysy qashan aıaqtalady?

55 ret kórsetildi

Jambyl oblysynyń aýmaǵynda ornalasqan Merki-Shý-Býrylbaıtal tasjolynyń jaıy talaı jyldan beri sheshilmeı kele jatqan kúrdeli máseleniń biri. Halyqaralyq "Batys Eýropa – Batys Qytaı" avtojolynyń boıynda ornalasqan Merki aýdanynan soń, ary qaraı Shý aýdanyna baratyn tozǵan jol turǵyndardyń tıtyǵyna ábden tıgen. Jolaýshylar Shýǵa qaraı nebári 100 shaqyrym joldy eki-úsh saǵat júrýge májbúr. Atalǵan másele talaı ret turǵyndar tarapynan oblys basshylyǵynyń aldyna da qoıyldy. Biraq odan esh nátıje bolǵan joq. Talaı jyldan beri túıini tarqamaı kele jatqan másele jýyrda qolǵa alyndy, - dep habarlaıdy Egemen.kz.

Jambyl oblysynyń ákimi Berdibek Saparbaev jýyrda Shý aýdanyna barǵan jumys saparynda óńirdiń avtojol salasyndaǵy eń iri jobasy bolyp sanalatyn Merki-Shý-Býrylbaıtal tasjolynyń 266 shaqyrymdyq qurylysyn baryp kórdi. Jumysty júrgizip otyrǵan qytaılyq merdiger kompanııa ókiliniń aıtýynsha, atalǵan jumysqa 500-ge jýyq adam men 271 tehnıka jumyldyrylǵan. Búgingi tańda 18 shaqyrym jolǵa asfalt, al 20 shaqyrym jolǵa negizgi jol jabyndysy tóselgen. Jańa asfaltbeton zaýytyn iske qosý, ony retteý jumystary da aıaqtalypty. Sonymen qatar, merdiger atalǵan tasjoldyń bir baǵytyn aǵymdaǵy jyly aıaqtaýǵa bergen ýádesin taǵy da qaıtalady. Degenmen, bul merdiger asa senimdi emes. Alaıda  olar tapsyrmany oryndaý úshin bar kúshin salatynyn aıtýda. Berdibek Saparbaev №8 karerde qum óndirýdiń ruqsat etilgen kólemin ulǵaıtý máselesin sheshýge jáne sheteldik mamandardyń elimizge kirýine kómek kórsetetinin aıtty. "Kún sýymaı turǵanda aldaǵy úsh aı ishinde barlyq topyraq jumystaryn aıaqtap úlgerý úshin eki aýysymda jumys isteý qajet. Másele týyndaǵan jaǵdaıda aýdan ákimine tikeleı habarlasyńyzdar", dedi ol.

Kópshilik Merki-Shý-Býrylbaıtal tasjolynyń qurylysy bıyl aıaqtalady dep kútýde. Desek te, ákimniń aıtqanyn ýaqytynda oryndaý úshin jumysqa qulshyna kirisip otyrǵan qytaılyq kompanııa joldy bıyl paıdalanýǵa beretin shyǵar degen úmit bar.

 

Jambyl oblysy

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar