Sol sııaqty Qazaqstan men Qytaıdyń mádenı-gýmanıtarlyq qarym-qatynastar salasyndaǵy yntymaqtastyqty úzdiksiz damytýǵa umtylǵan talpysynda da adamzattyń ortaq ıgiligi bolǵan Abaı shyǵarmashylyǵynyń izderi bar. Ilim men ǵylymǵa, izgilikke jetelegen Abaı óleńderi qytaı tiline de aýdarylǵan.
Qazirgi tańda Abaıdy kórshi el burynǵydan da tereńirek tanyp keledi. 2014 jyly Beıjińdegi Chaon saıabaǵynda Abaı eskertkishi saltanatty túrde ashylǵan bolatyn. Jáne sońǵy jyldary Qytaıda Abaı oqýlary da sátti jalǵasyn taýyp otyr. Sondyqtan da eki eldiń aýyzbirshiliginiń arta túsýine Abaı murasy da altyn kópir bolyp otyr.
Al búgin týǵanyna 175 jyl tolatyn aqyn mereıtoıynyń qurmetine Qytaı Halyq Respýblıkasynyń Qazaqstandaǵy Bas konsýldyǵynyń qyzmetkerleri Abaı ánin oryndaý arqyly ózderiniń qurmeti men iltıpatyn pash etti.
