Qoǵam • 10 Tamyz, 2020

Halyqqa qyzmet kórsetý ortalyqtarynyń jumys ýaqyty uzartyldy

312 ret kórsetildi

Elimizdiń keıbir oblystarynda bas sanıtarlyq dárigerlerdiń sheshimimen halyqqa qyzmet kórsetý ortalyqtarynyń jumys ýaqyty uzartyldy. Bul ózgeris jeti aımaqqa – Aqtóbe, Aqmola, Almaty, Atyraý, Túrkistan, Soltústik Qazaqstan jáne Pavlodar oblystaryna qatysty, - dep habarlaıdy Egemen.kz.

Atap aıtsaq, Atyraý oblysyndaǵy buǵan deıin koronavırýs indeti órshigendikten, karantınge jabylǵan Jylyoı aýdandyq HQO ashyldy.

«Azamattarǵa arnalǵan úkimet» memlekettik korporasııasynyń basqarma tóraǵasy Ásemgúl Baltashevanyń aıtýynsha, HQO jumys ýaqyty uzartylǵandyqtan, kún saıyn turǵyndarǵa usynylatyn memlekettik qyzmet sany da artpaq. «Biz jaǵdaıdy únemi baqylaýda ustap otyrmyz. Qyzmet alýshylar halyqqa qyzmet kórsetý ortalyqtaryna kezekti bir apta buryn brondaý kerektigin aıtyp shaǵymdanýda. HQO jumys ýaqytyn birtindep uzartý arqyly osy máseleni turaqtandyryp, qazaqstandyqtardyń memlekettik qyzmetterdi alý qajettiligin qamtımyz dep oılamyn», - dedi Baltasheva.

Elimizdegi tótenshe jaǵdaı aıaqtalǵannan beri HQO arqyly úsh mıllıonnan astam memlekettik qyzmet kórsetildi. Sondaı-aq áli de karantın jaǵdaıy saqtalǵandyqtan, HQO-da aldyn-ala brondaý arqyly jáne tek qana qaǵaz júzinde usynylatyn qyzmetter kórsetiledi. Al elektrondyq qyzmetter jeńildik terezelerinde zeınetkerler, múmkindigi shekteýli tulǵalar men kóp balaly otbasylardyń múshelerine ǵana kórsetiledi. Kompıýterleri nemese ınterneti joq azamattar onlaın qyzmetterdi alý úshin ákimdikter men ekinshi deńgeıli bankterde ornalasqan egov.kz buryshtaryn paıdalana alady.

Halyqqa qyzmet kórsetý ortalyqtarynda maska kıip, áleýmettik qashyqtyqty saqtaý talap etiledi.

Sońǵy jańalyqtar

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar