Saılaý • 11 Tamyz, 2020

Belarýs: Prezıdenttik saılaý aıaqtaldy

74 ret kórsetildi

О́tken jeksenbide Belarýste prezıdent saılaýy ótti. Osy eldiń Ortalyq saılaý komıssııasy jarııalaǵan aldyn ala málimetke súıensek, qazirgi memleket basshysy Aleksandr Lýkashenko 80 paıyzdan astam daýys jınaǵan.

OSK tóraǵasy Lıdııa Ermo­shınanyń sózine súıensek, oppozısııanyń basty ókili Svetlana Tıhanovskaıa 9,9 pa­ıyz daýys jınaǵan. Budan bólek, Anna Kanopaskaıa – 1,68%, Andreı Dmıtrıev – 1,04%, Sergeı Cherechen – 1,13 paıyz qoldaýǵa ıe bolǵan.

L.Ermoshınanyń aıtýyn­sha, saılaýdyń aldyn ala qory­tyndysynyń ózgerýi ekitalaı. Daýys esepteýdiń qorytyndy nátıjesi osy aptanyń sońynda naqty belgili bolady.

Ortalyq saılaý komıssııasy keltirgen málimet buǵan deıingi memlekettik ekzıtpol­dyń nátı­jesine saı. О́ıtkeni ekzıt­pol boıynsha qazirgi memleket basshysy A.Lýkashenko 79,7 paıyz daýys jınaıtyny boljanǵan-dy.

Saılaý aıaqtalǵannan keıin Belarýste jappaı narazylyq aksııalary ótti. Sonyń saldarynan daýysty sanaýǵa kedergi kelgen. «Biz olardy qolmen jazdyq. О́ıt­keni Ortalyq saılaý komıssııasynda sarapshy ekeýmiz ǵana boldyq. Túngi saǵat birde Úkimet úıinen eva­kýa­sııalandyq. Son­dyqtan biz nátıjelerdi qabyldaı alma­dyq. Nátıjeler brıfıng bastalar aldynda ǵana qolymyzǵa tıdi», dedi L.Ermoshına jýrnalısterge bergen suhbatynda.

Belarýs OSK-nyń málime­ti bo­­ıyn­sha, saılaýǵa 5 798 908 adam, ıaǵnı tizimdegi saı­laýshy­lardyń 84,23%-y qatysqan.

RIA Novostı agenttiginiń habarlaýynsha, Belarýstiń birneshe qalasynda prezıdent­­tik saılaýdyń nátıjelerine kelis­peıtin azamattar tártip saq­shylary tarapynan ustal­ǵan. Tut.by basylymy Mınskidegi jappaı tártipsizdikter týraly beınetúsirilimderdi jarııala­dy. Jınalǵandar olardyń aldyn­da turǵan qaýipsizdik qyzmet­ker­lerine qarsylyq kórsetken. Tártip saqshylary turǵyndardy úı­lerinen shyqpaýǵa jáne qala alańdaryna jınalmaýǵa shaqyrdy.

Ishki ister mınıstrligi ruq­sat etilmegen jappaı shara­lar ótip jatqan Mınsk jáne respýb­lıkanyń basqa da óńirlerindegi jaǵdaıdy qadaǵalap otyrǵanyn habarlady. «Mınsk pen basqa da qalalardaǵy jaǵdaı tolyǵymen baqylaýda. Ustalǵandar bar, biraq ázirge jalpy málimetter joq», dedi vedomstvonyń resmı ókili Olga Chemodanova.

Ortalyq saılaý komıssııa­sy saılaý qorytyndysyn ja­rııa­­la­ǵannan keıin Qazaqstan Pre­zı­denti Qasym-Jomart Toqaev Qazaqstan halqynyń jáne jeke óziniń atynan Alek­san­dr Lýka­shenkony Belarýs Prezı­denti bolyp qaıta saılanýymen quttyqtap, jedelhat joldady.

«Saıası jaǵdaıdyń kúrdeli bolǵanyna qaramastan, saılaý­dyń qorytyndysy halyq Siz­diń Belarýs memleketiniń egemen­digi men táýelsizdigin nyǵaıtýǵa negizdelgen strategııalyq baǵy­tyńyzdy qoldaıtynyn kór­setti», delingen jedelhatta.

 

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar