Fýtbol • 11 Tamyz, 2020

Jańa maýsymdaǵy ózgerister

6 ret kórsetildi

Bul kúnderi pandemııaǵa baılanysty fýtboldan keıinge qaldyrylǵan Eýrokýbok básekeleri ótip jatyr. Al 14 tamyzdan bastap Eýrododanyń jańa maýsymyna «start» beriledi. Bıylǵy básekede el namysyn Chempıondar lıgasynda ádettegideı elordanyń «Astana» (birinshi irikteý kezeńi) klýby qorǵasa, Eýropa lıgasynda Almatynyń «Qaırat», Shymkenttiń «Ordabasy» (ekeýi de birinshi irikteý kezeńi) jáne Qyzylordanyń «Qaısar» (ekinshi irikteý kezeńi) komandalary baq synaıdy.

Jýyrda ÝEFA bıylǵy kýbok básekelerin bastamaı tu­ryp, pandemııaǵa baılanysty Chem­pıondar lıgasy men Eýropa lıgasynyń uıymdastyrylý barysyna birqatar shekteýler men jańa ózgerister engizdi. Máselen, ÝEFA Eýrokýbok básekelerindegi árbir irikteý kezeńiniń jerebe tartý rásimi aldynda básekege qatysatyn komandanyń elindegi epıdemııalyq jaǵdaıdy, mem­lekettegi shekteý týraly máli­metterdi jarııalap otyrady.

Al eldegi shekteýlerdi týrnırge qa­tysýshy komandalar ÝEFA-ǵa habarlap otyrady. Eger klýb kórsetilgen merzimde ÝEFA ákim­shi­ligine tiziminde kórsetil­gen­derden basqa jańa shekteýler bar ekendigi týraly habarlamasa jáne málimetti jasyra otyryp match­ty uıymdastyrýǵa áreket etse, ÝEFA-nyń Baqylaý, etıkalyq jáne tártiptik komıteti sol eldiń komandasyna tehnıkalyq (0:3 esebimen) jeńilis beredi. Son­daı-aq eger úkimet tarapynan mem­leketke kirýge shekteý qoıyl­ǵan bolsa, klýb matchty beıta­rap alańda ótkize alady. Tek jaǵ­daıdy aldyn ala ÝEFA-ǵa habarlap, qaı elde ótkizgisi keletinin usy­nýy kerek. Eger klýb ıesi balama nusqany usyna almasa, oıyn týraly sheshimdi ÝEFA ákim­shiligi qabyldaıdy. Biraq bul klýb kezdesýdi uıymdastyrýǵa jaýap­ty bolady, al barlyq shyǵyn­dardy eki qarsylas óz moınyna alady. Eger olardyń bireýi oıynǵa qatysýdan bas tartsa, onda 0:3 esebimen jeńilis jarııalaıdy.

Osyǵan oraı birer kún buryn qazaqstandyq klýb­tar koronavırýsqa baılanysty fors-major jaǵdaı­ynda Chempıondar lıgasy men Eý­ropa lıgasynyń úı matchtaryn Grýzııada ótkizýi múmkin degen aqparat jarııalandy. Muny Grý­zııa fýtbol federasııasynyń prezı­denti de rastap otyr.

«Eger eki taraptyń biri óz oıynyn elinde ótkize almasa, ÝEFA-nyń jańa erejesi boıynsha bas­qa elde ótkizýge mindetti. Osy jaǵdaıǵa baılanysty biz ÝEFA-ǵa keıbir matchtardy uıymdastyryp bere alatynymyzdy málimdedik. Bizdiń elde qaı eldiń komandalary oınaýy múmkin? Mysaly, qazir Qazaqstanda epıdemııalyq jaǵdaı qıyn. Eger Qazaqstan komandalary qarsylastaryn elderinde qabyldaı almasa, onda biz bul múmkindikti qarastyramyz. Bul bizdiń elimizdiń ımıdjine oń áser etedi»,  dedi Kobıashvılı.

Ádette, Eýrokýbok matchtary úı­degi jáne syrttaǵy dep ekige bóli­netin. Bıylǵy jaǵdaıǵa baılanysty kezdesýler eki emes, tek bir matchtan turady (Chempıondar lıga­synyń tórtinshi irikteý keze­ńinen basqa irikteýler). Son­dyq­tan bıyl keı matchtardy óz alańynda ótkizetin komanda jerebeden keıin 24 saǵat ishinde ÝEFA ákimshiligine oıynnyń qaı jerde ótetini, qaı kúni jáne qaı ýaqytta bastalatyny týraly jazbasha rastaý jiberýi kerek. Dál osyndaı derek­terdi qarsylas klýbqa da berý mindetti.

Eger ÝEFA ákimshiligi engi­zil­gen shekteýler týraly aqparatty durys emes nemese jetkiliksiz dep sanasa nemese bul shekteýler match­ty beıtarap alańǵa, basqa elge aýystyrý úshin jetkiliksiz bolsa, sońǵy sheshim ÝEFA ákimshiliginde qalady. Bul jaǵdaıda alań qo­jaıyny sanalatyn klýb kezdesýdi uıymdastyrýǵa jáne barlyq shyǵyndarǵa jaýap beredi. Eger qarsylastardyń biri oıynǵa qaty­sýdan bas tartsa, oǵan 0:3 esebimen jeńilis beredi.

Jerebe tartylyp, match alǵash­qy komandanyń elinde ótýi kerek bolyp, alaıda belgili septer­men bul oıyndy óz elinde uıym­dastyra almaıtyn bolsa klýbtar ózara kelisip (ÝEFA maqul­daýy­men), matchtyń ótkiziletin ornyn aýystyra alady.

Eger matchty qabyldaıtyn komanda ÝEFA-ǵa oıynnan eki kún buryn eldegi jaǵdaıdyń turaqty ekenin málimdep, alaıda kezdesýge bir kún qalǵanda nemese match kúni memlekettik nemese jergilikti bılik organdary sporttyq jarys ótkizýge shekteý engizse, el bı­­ligi kúntizbege sáıkes matchty ót­k­i­zýge kedergi keltirgeni úshin shek­­teý engizgen eldiń klýbyna 0:3 ese­bimen jeńilis beriledi.

Eger joǵaryda atalǵan jaǵ­daı­larda eki klýb ta oınaýdan bas tartsa nemese oıynnyń ótpeýine kináli dep sanalsa ÝEFA olardy Chempıondar lıgasynyń jáne Eýropa lıgasynyń 2020/21 jylǵy maýsymynan shettetedi.

Komandalar matchtan bir kún buryn koronavırýstyń bar-jo­ǵyn anyqtaıtyn test tapsyrady. Eger test oń nátıje berse ÝEFA jergilikti úkimettiń sheshi­min kútedi. Eger komandada 13 fýt­bolshy vırýstan din aman bolsa, jer­gilikti úkimet match ótkizýge ruq­sat berse, oıyn ótedi. Al ruq­sat bermegen jaǵdaıda ÝEFA oıyn ótetin kúndi basqa ýaqytqa kó­shirýi múmkin. Tipti match ýaqy­tyn aýystyrýǵa múmkindik bolmasa, sol oıynda alań qojaıyny sanalǵan klýbqa tehnıkalyq jeńilis jazylady.

ÝEFA bekitken merzim bo­ıynsha, Chempıondar lıgasynyń elektik kezdesýleri 14 tamyzda, birinshi irikteý kezeń 21 tamyz­da, ekinshi irikteý kezeń 11 qyr­kúıekte, úshinshi irikteý kezeń 18 qyrkúıekte oınalady. Al tórtinshi irikteý kezeńiniń alǵashqy matchy 25 qyrkúıekke, qarymta kezdesýi 1 qazanǵa josparlanǵan.

Eýropa lıgasynyń matchtary myna kúntizbelik ýaqytta óte­di: alǵashqy elektik kezeń 22 ta­myzda, birinshi irikteý kezeń 12 qyrkúıekte, ekinshi irikteý kezeń 19 qyrkúıekte, úshinshi irik­teý kezeń 26 qyrkúıekte jáne tórtinshi irikteý kezeńi 2 qazanda uıymdastyrylady.

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar