Sport • 11 Tamyz, 2020

Evgenıı Hýdıakov: 56 shaqyrymdy júzip ótkender sırek

5 ret kórsetildi

О́tken aptada «Egemen Qazaqstan» gazetinde sý sportynan Tokıo Olımpıa­dasyna joldama jeńip alǵan Vıtalıı Hýdıakovtyń Ystyq­kóldiń bir jaǵalaýynan ekinshisine deıingi aralyqty júzip ótkeni týraly jazǵan bolatynbyz («56 shaqyrymdy júzip ótti?», «EQ», 7 tamyz, 2020 jyl). Biz Vıtalııdiń ózimen tildesip kórgimiz kelgen, alaıda sportshy uzaq qashyqtyqty baǵyndyryp sharshap qalǵanyn aıtty. Sóıtip sportshynyń ákesi ári bapkeri Evgenıı Hýdıakovpen tildestik.

– Keremet nátıje kórsetken sizderdi taǵy da quttyqtaımyz. Vı­talııdiń bul erligi sport ále­minde qalaı baǵa­landy?

– Júzý qashyqtyǵy – 56 shaqyrym. Birden aıtaıyn, álemde mundaı kórsetkishke jetkender saýsaqpen sanarlyq qana. Al Ystyqkóldiń 1600 metr bıikte jatqanyn eskersek, orta taý deńgeıinde mundaı jaǵdaı áli bolǵan joq. Buryn atalǵan kóldiń 36 shaqyrymyna deıin ǵana júzgender bar. Bul bizdiń tóreshimiz, qyrǵyzdyń tanymal júzgishi Ahmed Anarbaev. Ol 1982 jyly Ystyqkóldiń 36 shaqyrymyn júzip ótti. Bul búginge deıin úlken jetistik sanalyp kelgen. Júzý kezindegi negizgi qıyndyqtar dep júzý qashyqtyǵynyń uzaqtyǵyn jáne sý temperatýrasynyń 20 gradýs­tan tómendigin aıtar edim. Kartada 54 shaqyrym dep kórsetilgenimen, orta taý deńgeıinde qıyndyqtar artady da, jaǵaǵa jetý ýaqyty uzara túsedi. Halyqaralyq federasııa erejesi boıynsha, sý temperatýrasy 20 gradýstan tómen bolsa, sportshy arnaıy kostıým kııýi tıis (Vıtalıı TYR kostıýmin kıdi). Demek, bul álemdegi eń joǵary jetistik.

– Júzý qarsańynda daıyndyq qalaı ótti?

– Ashyq sýda sáýir aıynda júze bastadyq. Bar álem koronavırýs indetimen betpe-bet kelgende, biz Ystyqkólde jattyǵý jıynyn ótki­zý týraly sheshim qabyldadyq. Oqshaýlaný kezinde barlyq qaýip­sizdik sharalaryn saqtap, jattyǵýǵa múm­kindik bar. Olımpııa oıyndaryn keıinge shegergen soń, osyndaı qadamǵa bardyq. Aldymen azǵan­taı shaqyrymdardy eńserdik. Alǵa­shynda 12 shaqyrym, keıin 35 shaqy­rym, taǵy bir baqylaý kezinde 25,5 sha­qyrymdy baǵyndyrdyq. Tózim­dilikti arttyrý úshin kóp jumys istedik. Munda arnaıy baza men jattyǵý keshenderi bar. Sondaı-aq Vıtalıı 43 shaqyrymdyq marafonǵa júgirdi, jartylaı marafondarǵa qatysty. Odan bólek, sýda kúnine eki ret jattyǵý jasadyq. Alańsyz jattyǵý úshin Ulttyq Olımpıada komıteti bar múmkindikti usyndy.

– Qazir sportshynyń jaǵdaıy qalaı?

– Júzip kelgen soń azdaǵan qıyn­dyqtar boldy. О́ıtkeni qaıtar jolda úlken tolqynǵa tap boldyq. Keıin jaǵdaıy jaqsardy, óz jumysyna rıza. Ashyq sýda júzý sportshylar úshin ońaı emes. Sýdyń aǵysy, tol­qyny, temperatýrasy úlken ról oı­naıdy. Degenmen, munyń bári qa­zirgi qıyndyqpen kúresip jat­qan dárigerler erliginiń qasynda eshteńe emes. Osy jetistigimizdi biz ǵa­lamdyq indetpen kúresip jatqan­darǵa arnaǵymyz keledi. Vıta­lıı men barsha komanda atynan halyqtyń densaýlyǵy úshin kúresip jatqandarǵa alǵys aıtamyz. 

– Suhbatyńyzǵa rahmet.

 

Áńgimelesken

Áıgerim TOQSANBEK,

arnaıy «Egemen Qazaqstan» úshin

 

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar