Senator vırýspen kúresýge tartylǵan medısına qyzmetkerleri qorǵanys quraldarymen túgel qamtamasyz etilýi tıis ekenin atap ótti. Memlekettik organdar ókilderimen áńgime barysynda S.Aıtpaeva óńirde iske asyrylyp jatqan barlyq baǵdarlamalardy tıimdi oryndaý qajettigin sóz etti. Sáýle Aıtpaeva, sondaı-aq óńirdiń birneshe mektepterinde bolyp, oqý oryndarynyń aldaǵy oqý jylynda qashyqtan oqytý formatyna qanshalyqty daıyn ekendigin bildi.
* * *
Senatorlar – D. Nóketaeva men N.Júsip Almaty qalasyndaǵy arnaıy áleýmettik qyzmetterdi kórsetý ortalyǵynda boldy. Bul ortalyq psıhonevrologııalyq patologııasy bar múgedek balalarǵa mindetti qyzmet túrlerin kórsetedi. Munda 3 jastan 18 jasqa deıingi kemtar balalarǵa arnaıy áleýmettik kómek kórsetýdiń keshendi sharalary tolyq qamtylǵan. Qazir ortalyqta 123 bala bar, olar alty jalpy topqa bólingen. Depýtattar ortalyq jumysymen tanysa kele mundaı mekemelerde qajetti kómektiń barlyq spektri qamtylýy tıis ekenin atap ótti.
* * *
Májilis depýtaty S.О́tebaev jumys saparymen Mańǵystaý oblysyna baryp, áleýmettik mańyzdy nysandardy aralaýmen qatar, kásipkerlik salasyna aıryqsha nazar aýdardy. Depýtatqa bıznes salasynyń 37 túri boıynsha 1200 orta jáne shaǵyn bıznes nysandary jumysyn toqtatqany týraly aıtyldy. Sonyń saldarynan 2 myńǵa jýyq adam jumyssyz qalǵan. Oblysta orta eseppen óndiris kólemi 18% kemigen. Karantın saldarynan azyq-túlik emes nysandardyń jumystary toqtaǵan.
* * *
Senat depýtaty M.Baqtııaruly Qyzylorda oblysynyń Qazaly aýdanyna bardy. Qazirgi tańda munda «Jumyspen qamtýdyń jol kartasy-2020-2021» memlekettik baǵdarlamasy boıynsha quny 3 mlrd teńgeden astam qarjyny quraıtyn 42 joba iske asyrylyp jatyr. Sapar barysynda senator aýdannyń birneshe mektep pen balabaqshanyń qurylysymen tanysyp, shalǵaıda ornalasqan eldimekenderdi gazben qamtý jumystarynyń aýqymyna nazar aýdardy. Budan bólek, senator aımaqqa sapary kezinde aýdan ortalyǵyndaǵy temir-beton zaýytynyń jumysymen tanysty. О́z kezeginde kásiporyn basshylyǵy zaýyt óndiretin ónimderge suranys joǵary ekenin aıtty.
* * *
Senator L.Súleımen dári-dármekke qatysty Qaraǵandy oblysyndaǵy ahýaldy baqylaýǵa aldy. О́ńirge jasaǵan saparynda ol jergilikti aýrýhanalarǵa, provızorlyq ortalyqtarǵa, dárihana jelileriniń qoımalaryna baryp, medısınalyq qyzmetkerlermen jáne emdelýshilermen kezdesti. Jergilikti turǵyndar senatordyń nazaryn medısına qyzmetkerlerine laıyqty jaǵdaı jasaý, olardy baspanamen qamtý máselesine aýdardy. Odan bólek, ol Sátbaev jáne Jezqazǵan qalalaryna baryp, memlekettik baǵdarlamalardyń júzege asyrylý barysymen tanysty. Senatormen kezdesken aımaq turǵyndary pedofılderge jáne sybaılas jemqorlyq quqyq buzýshylyqtarǵa qatysty zańnamany kúsheıtý týraly máseleni qaraýdy usyndy.
* * *
Senat depýtaty R.Ábdikerovtiń Qaraǵandy oblysyna jumys sapary Osakarov aýdanymen jalǵasty. Atalǵan aýdanda «Aýyl – el besigi» jáne «Jumyspen qamtýdyń jol kartasy» memlekettik baǵdarlamalary aıasynda 40-tan astam joba iske asyrylyp jatyr. Buǵan 3 mlrd teńge shamasynda qarajat bólinip, 210-ǵa jýyq jergilikti turǵyn jumyspen qamtylǵan.
Senator jańa oqý jylynda qashyqtan oqytý formaty jalǵasatynyn eskerip, bilim berý úderisin qamtamasyz etetin ınternet baılanysynyń sapasyna, sonymen qatar aýdandaǵy medısınalyq mekemelerdiń jáne dárihanalardyń jumysyna, asa qajetti dári-dármekterdiń jetkilikti ekenine kóńil bóldi. Sondaı-aq ol Jansary aýylynda ornalasqan bıe sútinen qurǵaq untaq óndiretin kásiporynǵa at basyn burdy. Bul jerde 150 adam jumyspen qamtylǵan.
