Qoǵam • 11 Tamyz, 2020

Ekpeni ózderine saldyrdy

21 ret kórsetildi

COVID-19-ǵa qarsy qazaq­stan­dyq vaksınany ázir­leý­shi jeti ǵalym vırýspen ju­mys is­te­gen kezde qaýipsizdikti qam­­ta­masyz etý úshin erikti túr­de vırýsqa qarsy vaksına saldyrdy. Vaksına Ǵylym ko­mı­tetiniń Bıo­lo­gııalyq qaýip­siz­dik máse­le­leri ǵylymı-zert­teý ıns­tı­tý­tyn­­da ázirlendi.

– Ǵalymdardyń jaǵdaıy jaqsy, olar óz jumystaryn jalǵastyrýda, – dep málimdedi Bıologııalyq qaýip­siz­dik máseleleri ǵylymı-zertteý ınstıtýtynyń dırektory Kúnsulý Zákárııa.

Belsendirilmegen vaksınanyń klı­nıkaǵa deıingi synaqtarynyń nátı­jeleri dárilik zattardy saraptaý jónindegi Ulttyq ortalyqqa saraptamalyq jumystar júrgizý úshin jiberildi. Saraptamalyq ju­mys­tar shamamen tamyzdyń ortasynda aıaqtalady. Densaýlyq saqtaý mınıstrliginiń ruqsatyn alǵannan keıin qyrkúıek aıynda Almaty qala­syn­daǵy klınıka bazasynda koro­navırýsqa antıdeneleri joq 18 jastan 50 jasqa deıingi 44 eriktiniń qatysýymen klınıkalyq synaqtardyń birinshi kezeńi bastalady dep kútilýde. Vaksına salǵannan keıin olar 42 kún boıy baqylaýda bolady. Qazan aıynyń ortasynda klınıkalyq synaqtardyń ekinshi kezeńin bastaý josparlanyp otyr, ol 2020 jyldyń jeltoqsanynda aıaqtalýy tıis.

Kandıdattyq vaksınalardyń klı­nı­kalyq synaqtary oń nátıje bergen jaǵdaıda Jambyl oblysy Otar kentindegi Bıologııalyq qaýipsizdik problemalary ǵylymı-zertteý ıns­tıtýty janynan salynyp jatqan bıo­far­masevtıkalyq zaýyt bazasynda qazaqstandyq vaksınalar óndiriletin bolady. Zaýyt halyqaralyq standartqa saı ımmýnobıologııalyq dárilik preparattardy, onyń ishinde qazirgi ýaqytta qazaqstandyq ǵalymdar klı­nı­kaǵa deıingi synaqtarymen aınalysyp jatqan COVID-19-ǵa qarsy vak­sınalardy shyǵarady dep josparlanyp otyr.

Eske sala ketsek, qazaqstandyq ǵylymı-zertteý ınstıtýtynyń koronavırýs ınfeksııasyna qarsy eki kandıdattyq vaksınasy Dúnıejúzilik den­saýlyq saqtaý uıymynyń tizimi­ne engizilip, klınıkaǵa deıingi synaq­tar­dan sátti ótip jatyr. COVID-19-ǵa qarsy ekinshi vaksına DDU saıtynda 31 shildede kandıdat retinde tirkelgen.

Ǵylym komıteti Bıologııalyq qaýipsizdik problemalary ǵylymı-zertteý ınstıtýtynyń densaýlyq saqtaý úshin asa qaýipti ınfeksııalarǵa qarsy vaksınalar ázirleýdegi ju­mys tájirıbesi mol. Alǵashqy belsen­di­ril­megen qazaqstandyq vaksına DDU saıtynda 15 mamyrda tirkelip, búginde klınıkaǵa deıingi synaqtardan sátti ótýde.

 

 

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar