Hokkeı • 11 Tamyz, 2020

QHL kestesi jarııalandy

14 ret kórsetildi

Qurlyqtyq hokkeı lıgasy (QHL) 2020/2021 jylǵa arnalǵan jańa maý­symnyń kúntizbesi men bıylǵy dodaǵa qatysatyn komandalar tizimin bekitti.

QHL bekitken kestege sáıkes, turaqty birinshiliktiń jańa maýsymyn 2 qyrkúıekte Máskeýdiń SSKA klýby men Qazannyń «Aq Barys» ujymy bastap beredi. Birinshiliktiń alǵashqy kezeńi 27 aqpanǵa deıin, ıaǵnı 142 kúnge jalǵasady. Sonymen qatar bıylǵy básekege 23 klýbtyń qatysatyny belgili boldy. Ár komanda 60 match ótkizedi jáne klýbtar bir-birimen eki ret kezdesedi. Al jalpy sany 690 match ótedi.

QHL chempıonatynda eki úzilis bolady. Birinshisi, Eý­ro­týr matchtary kezinde: 2-9 qarasha ara­ly­ǵynda (Fınlıandııada), 14-20 jeltoq­san aralyǵynda (Reseıde), 8-15 aqpan araly­ǵynda (Shvesııada), ekinshisi, jańa jyldyq mereke (31 jeltoqsan-2 qańtar) men Rıgada ótetin QHL juldyzdarynyń matchyn ótkizý ýaqytyna (22-24 qańtar) josparlanǵan.

Al Gagarın kýbogy jolyndaǵy pleı-off básekeleri 2021 jyldyń 2 naýryzynda bas­talady. Fınaldyq báseke 30 sáýirde ótedi dep josparlanǵan. Aıta keteıik, elordanyń «Barys» klýby QHL-diń bıylǵy maýsymyn 3 qyrkúıekte syrt aıdynda Rıganyń «Dı­na­mo» komandasyna qarsy oıynmen bastaıdy.

 

 

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar