Aımaqtar • 11 Tamyz, 2020

Qyzylorda oblysynda bótenniń múlkin urlaý derekteri azaıdy

30 ret kórsetildi

Qyzylorda oblysynda qylmystardyń ishinde keń taraǵan bótenniń múlkin urlaý oqıǵalary azaıyp keledi. Urlyqqa qarsy is-qımyl jónindegi 2019-2020 jyldarǵa arnalǵan baǵdarlamany iske asyrýda múddeli organdarmen birlese keshendi is-sharalar júrgizýdiń nátıjesinde osy jyldyń 7 aıynda oblys boıynsha bóten múlik urlyǵynyń tirkelýi 58,5 paıyzǵa (2180-nen 904-ke) tómendegen, - dep jazady Egemen.kz

"Bóten múlik urlyqtarynyń ishinde páter urlyǵy 63,3 (433-ten 159-ǵa), mal urlyǵy 37,4 (230-dan 144-ke), uıaly telefon urlyǵy 59,4  (409-dan 166-ǵa), qalta urlyǵy 37,3 paıyzǵa (59-dan 37-ge), avtokólik aıdap ketý 30-dan 13-ke azaıǵan", – deıdi Polısııa departamenti bastyǵynyń orynbasary, polısııa polkovnıgi Serik Shalqarov.  

Urlyqtardyń aldyn alý, eskertý maqsatynda jergilikti atqarýshy organdarmen birlesip, páterlerdi dabyl sıgnalızasııasymen jaraqtaý, mal ustaıtyn oryndarda avtonomdy sıgnalızasııa jáne tehnıkalyq quraldarmen jabdyqtaý usynylyp, túsindirý jumystary júrgizilýde. Urlyqtardyń aldyn alý, ashý maqsatynda departament qyzmetkerleri jergilikti ákimdikter jáne veterınarııalyq qyzmetkerlermen birlesip jedel-profılaktıkalyq is sharalar ótkiziledi.

Al tirkelgen páter urlyqtarynyń basym bóligi oblys ortalyǵynda bolǵan. Osyǵan baılanysty urlyqqa beıim adamdar men buryn shartty túrde sotty bolǵandardyń tizimderi jasalyp, olarǵa qatysty jedel baqylaý ornatylyp, tekserilýde.   

Qoǵamdyq avtokólikterde jasalatyn qalta urlyqtarynyń aldyn alý maqsatynda Jergilikti polısııa qyzmeti jáne jedel qyzmet salalary qyzmetkerlerinen mobıldik toptar qurylyp, qoǵamdyq kólikterde azamattardy shamadan tys tasymaldap, jolda júrý erejesin buzǵandary úshin kólik júrgizýshilerine zańda belgilengen tártippen tıisti sharalar qoldanylady.

Jyl basynan oblys  boıynsha mal urlyǵymen aınalysqan jalpy 13 qylmystyq top quryqtalyp, olardyń 43 epızod quraıtyn qylmystary áshkerelendi.

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar