Qazaqstan • 11 Tamyz, 2020

Qoqys máselesi boıynsha jedel jelige 623 aryz túsken

3 ret kórsetildi

Ekologııa mınıstrliginiń qaýyrt jelisine sońǵy aptada stıhııalyq qoqystarǵa 623 shaǵym kelip tústi, - dep habarlaıdy Egemen.kz

Stıhııalyq qoqys týraly habarlardyń kópshiligi Almaty (90), Shyǵys Qazaqstan (62) jáne Qaraǵandy ​​oblystarynan (48), sondaı-aq Almaty qalasynan (47) kelip tústi. Aqmola (42) men Aqtóbe oblysy (30) azamattardan túsken ótinish sany boıynsha kóshbasshylar "bestigine" kirdi.

623 shaǵymnyń 469-y úıindilerge, 154-i qoqys tolyp ketken konteınerlerge qatysty.

"Bir apta ishinde ákimdikpen birge 347 qoqys úıindisi joıyldy. Bul baǵyttaǵy jumys jalǵasýda. Jalpy Ekologııa mınıstrligi turǵyndar tarapynan shaǵymdar arttty. Bul azamattyq pozısııanyń óskenin bildiredi. Onyń ústine, jedel jeli jumysynyń tıimdiligi keıingi eki aptada aıqyn baıqalady. Shaǵym túskennen keıin aqparat dereý jergilikti ekologııa departamentterine, QR IIM qyzmeti men ákimdikterge jiberiledi. Mamandar jedel tekserý ornyna baryp, shara qoldanady, kináliler jazalanyp, sonyń ishinde aıyppul óndirilip alynady", delingen habarlamada.

Eske salsaq, Ekologııa mınıstrliginiń qaýyrt jelisiniń nómiri: +7 (775) 952-49-00. Ýatsap messendjeri arqyly kez kelgen qazaqstandyq óz qalasyndaǵy nemese aýylyndaǵy koqys úıindisi týraly aqparatty, ony rastaıtyn sýret pen vıdeo jibere alady.

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar