Ekonomıka • 11 Tamyz, 2020

Jyl basynan beri taýarlar óndirisi birshama ósti

9 ret kórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda QR 2020 jylǵy qańtar-shildedegi áleýmettik-ekonomıkalyq damýynyń qorytyndysy týraly ulttyq ekonomıka mınıstri Rýslan Dálenov baıandady. Bul týraly Premer-Mınıstrdiń Baspasóz qyzmeti habarlaıdy, dep jazady Egemen.kz

R. Dálenov atap ótkendeı, 2020 jylǵy qańtar-shildeniń qorytyndysy boıynsha taýarlar óndirisi 2,1%-ǵa ósti, sonymen birge, kórsetiletin qyzmetter 6,2%-ǵa qysqardy. Nátıjesinde, jedel derekter boıynsha, jalpy ishki ónim 2,9%-ǵa tómendedi. Jyldyq ınflıasııa 7,1% qurady. Bul kútilgen ınflıasııa dálizinen tómen (8-8,5%). Mınıstrdiń aıtýynsha, esepti kezeńde kelesideı jaǵymdy úrdister baıqalýda.

"Ekonomıkanyń naqty sektorynda ósim jalǵasýda. Eń aldymen, qurylys, óńdeý ónerkásibi jáne aýyl sharýashylyǵy salalarynda. Importtyń tómendeýi aıasynda oń saýda balansy saqtalýda", dedi R. Dálenov.

Sonymen qatar, karantındik shekteýlerge baılanysty servıstik qyzmetter kóleminiń qysqarýy, sondaı-aq munaı óndirý qarqynynyń josparly tómendeýi baıqalady, bul ekonomıkanyń ósýin tejeýshi faktory boldy. О́ndiristik sektorda 2,1%-ǵa ósim baıqalady, onyń ishinde qurylysta – 6,3%, óńdeý ónerkásibinde – 3,8%, aýyl sharýashylyǵynda – 2,5%-ǵa.  Sonymen birge, qyzmetter sektory salalarynda, onyń ishinde jyljymaıtyn múlikpen jasalatyn operasııalar – 4,3%, ákimshilik qyzmetterdi kórsetý – 5,3%, saýda – 11,9% jáne kólik qyzmetteri – 15,6% tómendeý kórsetti. Bul rette, baılanys qyzmetteri 8,7%-ǵa artty. Osy jylǵy maýsymymen salystyrǵanda, shilde aıynda qyzmet kórsetýdiń birqatar salalarynda ósim jalǵasty.

"Iаǵnı, bir aıda qarjylyq jáne saqtandyrý qyzmeti 29%-ǵa, turý jáne tamaqtaný boıynsha qyzmetter – 10,2%, derekter berý – 6,7%, uıaly baılanys – 4,1%, ınternet jelisi 2,9%-ǵa ósti. Sondaı-aq júk aınalymy 5,6%-ǵa, onyń ishinde temir jol kóligimen tasymaldaý – 5,5%-ǵa, qubyrlarmen tasymaldaý – 2,9%-ǵa ósti", dedi mınıstr.

Qańtar-maýsymda syrtqy saýda aınalymy $42,5 mlrd qurady. Eksport $26 mlrd, ımport $16,5 mlrd qurady. Saýda balansynyń oń saldosy $9,5 mlrd deńgeıinde saqtalýda. О́nerkásip óndirisi 1,3%-ǵa, onyń ishinde óńdeý ónerkásibi 3,8%-ǵa ulǵaıdy. Bul rette munaı óndirý qarqynynyń josparly tómendeýi nátıjesinde taý-ken óndirý ónerkásibi 0,4%-ǵa tómendedi. О́nerkásip boıynsha ósim kóptegen óńirlerde baıqalady. Eń kóp ósimdi Soltústik Qazaqstan jáne Qostanaı oblystary, sondaı-aq Nur-Sultan qalasy kórsetti. О́ńdeý ónerkásibi ozyq qarqynmen ósýde. О́sim 3,8% qurady. Bul ósim negizinen farmasevtıkanyń, daıyn metall buıymdaryn óndirýdiń, mashına jasaýdyń, onyń ishinde avtomobıl jasaýdyń, jeńil ónerkásiptiń ósýimen qamtamasyz etildi. О́ńirler boıynsha joǵary ósim Qostanaı, Túrkistan, Soltústik Qazaqstan oblystarynda baıqalady.

R. Dálenov atap ótkendeı, esepti kezeńde negizgi kapıtalǵa 6,1 trln teńge somasynda ınvestısııa tartyldy. 13 óńir ósim kórsetti. Eń joǵary ósim Aqmola, Soltústik Qazaqstan, Túrkistan oblystarynda jáne Shymkent qalasynda baıqalady. Qurylys 6,3%-ǵa ulǵaıdy. Qurylys jumystarynyń joǵary ósýi Shymkent qalasynda jáne Túrkistan oblysynda baıqalady. 7 mln sharshy metr turǵyn úı paıdalanýǵa berildi. Bul ótken jyldyń sáıkes kezeńimen salystyrǵanda 7,5%-ǵa kóp. R. Dálenov atap ótkendeı, óńirlerde 7 ekonomıkalyq kórsetkish boıynsha jalpy jaǵdaı kelesideı. Eki kórsetkish boıynsha (saýda jáne kólik salalary) karantındyq sharalarǵa baılanysty tómendeý baıqalýda. 5 kórsetkish boıynsha 7 óńirde ósý baıqalady. Olar - Aqmola, Almaty, Shyǵys Qazaqstan, Jambyl, Qostanaı, Mańǵystaý jáne Soltústik Qazaqstan oblystary. 4 kórsetkish boıynsha 7 óńirde ósý tirkeldi. Bul ortasha deńgeı. Al, 3 óńirde 3 kórsetkish boıynsha ǵana ósý baıqalady. Olar - Atyraý, Batys Qazaqstan jáne Qyzylorda oblystary. Ekonomıkalyq belsendilikti qalpyna keltirý jóninde qabyldanyp jatqan sharalardy eskere otyryp, ortalyq jáne jergilikti atqarýshy organdar mynadaı aspektilerge nazar aýdarýy qajet.

  1. 2020 jylǵa arnalǵan ekonomıkalyq ósýdi qalpyna keltirý jónindegi keshendi jospardy ýaqytyly jáne tıimdi iske asyrýdy qamtamasyz etý.
  2. О́ńirlik daǵdarysqa qarsy shtabtarda kásipkerlerdiń problemalyq máselelerin múmkin bolatyn qoldaý sharalaryn kórsetý turǵysynan qaraý.
  3. Eginniń ýaqytyly jınalýyn jáne qurylys jumystarynyń maýsymyn tıimdi pysyqtaýdy qamtamasyz etý.
  4. Monıtorıng, ıntervensııa júrgizý, shekti baǵalardy belgileý arqyly áleýmettik mańyzy bar azyq-túlik taýarlaryna baǵanyń ósýine jol bermeý.
  5. О́ńirlik eńbek naryqtaryndaǵy ahýalǵa turaqty monıtorıng júrgizý jáne memlekettik baǵdarlamalar jobalaryn iske asyrýda barynsha jumyspen qamtý.
Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar