Álem • 11 Tamyz, 2020

Abaı shyǵarmalary hındı tiline aýdaryldy

26 ret kórsetildi

Qazaq ǵalymy, fılosof, jazýshy, aqyn jáne gýmanıst Abaı Qunanbaıulynyń týǵanyna 175 jyl tolýyna oraı Úndistannyń mádenı qatynastar jónindegi keńesi (ICCR) avtordyń áıgili "Qara sózder kitabyn" hındı tiline aýdardy, dep habarlady Úndistannyń Qazaqstandaǵy elshiligi.

"Shabd Manjýsha" nemese "Sózderdiń qazynasy" dep atalatyn kitapta Abaıdyń 40 óleńi jáne 45 qara sózi bar. Muqabanyń alǵashqy betinde Qazaqstannyń Tuńǵysh Prezıdenti – Elbasy Nursultan Nazarbaevtyń alǵysózi men Úndistannyń Qazaqstandaǵy elshisi Prabhat Kýmar myrzanyń kirispe sózi engen.

Kitapty ICCR bas dırektory Dınesh K. Patnaık myrza, Qazaqstannyń Úndistandaǵy elshisi Erlan Alımbaev, Úndistannyń Qazaqstandaǵy elshisi Prabhat Kýmar jáne birqatar Qazaqstandaǵy úndi qaýymdastyǵynyń múshesiniń qatysýymen ótken onlaın is-sharada tanystyrdy.

Qazaqstan mádenıeti men ádebıetine úles qosqan birtýar tulǵany eske ala otyryp, Patnaık myrza Abaıdyń óleńderi men "Qara sózder kitaby" tek Qazaqstannyń ǵana emes, búkil adamzattyń rýhanı murasy ekenin aıtty.

Erlan Alımbaev ICCR men Úndistannyń Qazaqstandaǵy elshiligine Abaıdyń qara sózderiniń hındı tilindegi aýdarmasyn shyǵarǵany úshin alǵys aıtty.

Prabhat Kýmar myrza Úndistan astanasy Nıý-Delıdegi kórnekti kóshelerdiń birine Abaıdyń esimi berilgenin atap ótti. 

Qalǵan qatysýshylar Abaıdyń ádebıetke, ónerge jáne mádenıettiń ár túrli salalaryna qosqan úlesi týraly pikirlerin ortaǵa saldy.

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar