Abaı • 11 Tamyz, 2020

Máńgilik mura taǵylymy

27 ret kórsetildi

Qazaqstan Respýblıkasynyń Prezıdenti Qasym-Jomart Toqaevtyń "Abaı – rýhanı reformator" atty eńbegi óziniń tereń mazmunymen, sarabdal salmaqtylyǵymen erekshelenedi. Maqalada osydan týra 25 jyl buryn Qazaqstan Respýblıkasynyń Tuńǵysh Prezıdenti–Elbasy N.Á. Nazarbaevtyń erekshe eńbegi arqasynda IýNESKO sheshimimen Abaıdyń 150 jyldyq mereıtoıy keńinen atalyp ótkendigi baıandalady. Arada shırek ǵasyr ótti. Qoǵam damýda. Búkil álemde alýan túrli ózgerister oryn alýda. Al, munyń ózi ADAM-QOǴAM-SANA-ÝAQYT  tórttaǵanynyń dúnıe júzinde alapat geosaıası ahýal qalyptasýyna qazirgi tańda alǵysharttar jasap otyrǵany málim.

Prezıdent eńbeginde atap ótilgendeı, Abaıdyń ulylyǵy barsha adamzat balasyna ún qatýynda jatsa kerek. О́z murasynda uly oıshyl búgingi qaýymǵa ǵalamat qundy mura qaldyrdy.

Allanyń adamdy, adamnyń Allany, adamnyń adamdy súıýi arqyly (úsh súıý ıaǵnı Imanıgúl) tolyq adam tujyrymdamasyn usyndy. Eger adamnyń Alla jaratqan on segiz myń ǵalamnyń ishindegi eń jetilgen, eń qýatty, aqyl-sanaǵa, oıǵa ıe bolǵan erekshe jaratyndy ekenin eskersek, Abaıdyń sol adam arqyly barsha adam balasyna sóz arnaǵanyn baıqaımyz. Kópultty Qazaqstan halqy úshin, jalpy álem úshin aqyn eńbekteri álemniń on tiline aýdarylyp, baspaǵa ázirlengendigi qýantarlyq jaıt.

Prezıdent atap ótkendeı, bilim ıgerý, tárbıe máselesi, jańa kásipti meńgerýge umtylys, yntymaq problemalary tunyp tur. Demek, Abaı óz arnaýy arqyly týǵan halqynyń tól topyraǵyndaǵy rýhanı-mádenı shúıgindiktiń moldyǵyn, aıryqsha qýatty aqyl-oı, sana áýeletin kórsetip tur.

Prezıdent eńbegi uly Abaıdyń máńgilik murasynyń ýaqyt aıasyndaǵy ıaǵnı Keshegi, Búgingi, Bolashaqtaǵy taǵylymyna salmaqty saralaý júrgizýmen daralanýda. Rasynda da adamzat qoǵamynyń damýynda materıaldyq ıgilikter, olardyń jaǵdaıy, túrli qıyndyqtar - bári de ótpeli. Al, rýhanı qazyna máńgilik. Sondyqtan da Abaı murasynyń taǵylymyn tek mereıtoılar tusynda ǵana emes, barshamyz búkil bolmysymyzǵa sińire bilýimiz qajet. Dala danyshpanynyń ósıetin boıyma qalaı sińirdim, ne atqardym, endi ne istegenim abzal, mine, ózimizge ózimiz osylaı esep bersek, ómir atty uǵymdy, ómir súrýdiń mán-maǵynasy men mazmun, mańyzyn jeke túısingenimiz bolmaq.

Uly Abaı álemge óz murasy arqyly halqyn tanytqan qaıtalanbas tulǵa, bizdiń maqtanyshymyz, rýhanı boıtumarymyz. Qazaqtyń uly danyshpanyn ulyqtaǵan  el Prezıdentine raqmet. 

 

                                                                                               

Qarlyǵash Hamzına

QarTÝ dosenti, fılologııa ǵylymdarynyń kandıdaty

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar