Aımaqtar • 12 Tamyz, 2020

Shymkentte kópqabatty 79 turǵynúıdiń qasbeti jańarady

38 ret kórsetildi

Shymkent qalasynyń ákimi Murat Áıtenovtiń kópqabatty turǵynúılerdiń qasbetin jańartý boıynsha bergen tapsyrmasy óz sheshimin taýyp jatyr. Qala ákimi Shymkent - TMD elderiniń astanasy aıasynda qalanyń negizgi ortalyq kóshelerindegi kópqabatty turǵyn úılerdiń syrtqy kelbetin jóndeýdi tapsyrǵan edi, - dep habarlaıdy Egemen.kz.

Atqarylyp jatqan jumystar tolyǵymen aıaqtalar bolsa, shahardaǵy 79 kópqabatty turǵynúıdiń syrty jańa kelbetke ıe bolady.

Ákim tapsyrmasynyń oryndalýy jáne qurylys salasyndaǵy atqarylyp jatqan jumystar barysy jóninde aqparattyq-kommýnıkasııalyq ortalyqta ótken brıfıngte qala ákiminiń orynbasary B.Mamytalıev baıandady.

"Respýblıka jáne Táýke han dańǵyly boıyndaǵy shuǵyl jóndeýdi qajet etetin 43 kópqabatty turǵyn úıdiń qasbeti jańardy. Jóndeý jumystaryn "Otaý Stroı", "A.R.T. Qurylys", "Kanfar Bıldıng", "Korporasııa Aq ordasy", "Shymkent stroı", "KazMedeoGrand", "BekStroıServıs", "Lıder-NK" jáne "Iýgstroıservıs-N" sekildi kompanııalar júrgizdi. Búgingi tańda 43 úıdiń syrtqy qasbetin jóndeý jáne vıtraj ornatý jumystary tolyq aıaqtaldy» - dedi ol.

Sonymen qatar, Asar shaǵyn aýdanynda kópqabatty 30 turǵyn úıdiń qasbetin jóndeý qajettiligi anyqtalǵan. Búgingi tańda 28 úıde jumystar tolyǵymen aıaqtalyp, al qalǵan eki úıdegi jóndeý jumystarynyń 90% paıyzy atqarylǵanyn jetkizdi.

Budan bólek, Ákimshilik-iskerlik ortalyǵynda alty úıge «A.R.T. Qurylys» kompanııasy jóndeý júrgizip jatyr. 4 úıdiń syrtqy qasbeti qalpyna keltirildi, qalǵan 2 úıdiń jumystary jaqyn arada bitetin bolady.

Osy oraıda jóndeý jumystary bıznestiń-áleýmettik jaýapkershiligi aıasynda iske asyrylyp jatqanyn aıta ótý qajet.

Sońǵy jańalyqtar

Or ózenin ortaıtyp otyrǵan kimder?

Vıdeo • Búgin, 18:39

Shyǵysta jazýshy músini tuǵyrǵa qondy

Rýhanııat • Búgin, 17:37

Bas basylym tilshisi qurmetke bólendi

Oqıǵa • Búgin, 14:45

Alıment tólemegen áke qolǵa tústi

Aımaqtar • Búgin, 13:21

Almatyda Kók bazar jabylady

Aımaqtar • Búgin, 11:02

Demalys kúnderi aýa raıy qandaı bolady

Aýa raıy • Búgin, 11:00

Atyraýda jol apatynan 39 adam kóz jumdy

Aımaqtar • Búgin, 09:58

Uqsas jańalyqtar