Kezdesýde karantınniń jeńildeýi jaǵdaıynda dinı ǵımarattardyń jumys isteý máseleleri talqylandy. Bas múftı meshitter ashylǵan jaǵdaıda dinı ǵımarattaǵy qyzmet sanıtarlyq normalardy saqtaı otyryp júrgiziletinin málimdedi. О́z kezeginde vıse-mınıstr QMDB-nyń meshitterde koronavırýstyq indet taralýynyń aldyn alý boıynsha biryńǵaı is-qımyl tártibin ázirleýdiń oryndylyǵyn jetkizdi.
Marat Ázilhanov memleket pen dinı birlestikterdiń, ásirese pandemııa sııaqty jahandyq syn-qaterler jaǵdaıynda odan ári yntymaqtastyǵy qajettigin atap ótti. Vıse-mınıstr QMDB tóraǵasyna dindar azamattardyń májbúrli karantındik sharalarǵa túsinistikpen qaraǵany jáne olardyń arasynda sanıtarlyq-epıdemıologııalyq normalardy saqtaýdyń mańyzdylyǵyn túsindirýde memleketke kómekteskeni úshin alǵys aıtty.
О́z tarapynan Bas múftı vıse-mınıstrge bıylǵy 31 shilde men 2 tamyz aralyǵynda ótken Qurban aıt merekesi kezinde Mınıstrlikpen kórsetilgen qoldaýǵa óziniń alǵysyn bildirdi.
Mınıstrliktiń kómegimen Dinı basqarmanyń "Qurban2020.muftyat.kz" arnaıy saıty iske qosyldy. Sonyń arqasynda azamattar qashyqtyqtan qaıyrymdylyq jasaı alǵanyn nazarǵa salamyz. Jalpy, Qazaqstan boıynsha mereke kezinde 80 myńnan astam muqtaj adam qurbandyq etin aldy.
Sondaı-aq, taraptar destrýktıvti dinı aǵymdardyń yqpalyna túsken azamattar arasynda túsindirý jumystaryn júrgizý máselelerin talqylady.
