Jańa qondyrǵy 24 500 Nm3/saǵ ottegi gazyn, sondaı-aq shoıyn, bolat jáne metall óndirý úshin qajet 28 000 Nm3/saǵ azot gazyn shyǵarady. Sonymen qatar, ónerkásiptik gazdardy qoldaný spektri óte keń – medısınadan bastap elektronıka óndirisine deıin, onda joǵary taza gazdar men arnaıy gazdar qoldanylady.
Aýa bólý qondyrǵysynyń (ABQ) tehnologııalyq prosesinde generatory bar tıimdiligi joǵary týrbodetander qoldanylady, bul qondyrǵynyń jumysyn ekologııalyq taza etedi, elektr energııasyn tutynýdy azaıtady. Nysandy paıdalanýǵa berý "ArselorMıttal Temirtaý" AQ tutynýshy sehtaryn aýany bólý ónimderimen qamtamasyz etýdiń senimdiligin arttyrýǵa múmkindik beredi.
"2013 jyldan bastap kompanııa oblys aýmaǵynda jumys istep, damyp keledi. Ekinshi kásiporyn – bul óńirdiń ınvestısııalyq ahýalyna jáne áriptestik qarym-qatynastardyń senimdiligine oń baǵa berý ekenin atap ótkim keledi. Bizdiń tarapymyzdan barynsha qoldaý kórsetilip, damý úshin barlyq jaǵdaı jasalǵan", - dep atap ótti Qaraǵandy oblysynyń ákimi Jeńis Qasymbek.
"Pandemııa jaǵdaıyndaǵy jańa jobany iske qossý – jaqsy belgi. Osy aılarda Syrtqy ister mınıstrliginiń jumysy jumys istep turǵan kásiporyndardyń óndiristik prosesterin, jabdyqtardy, komponentterdi nemese shıkizatty shetelden jetkizýge, sondaı-aq sheteldik jumys kúshiniń kirýine táýeldiligi bar iske asyrylatyn ınvestısııalyq jobalardaǵy qurylys-montajdaý jáne iske qosý-retteý jumystaryn qamtamasyz etýge baǵyttalǵan.
Linde – ónerkásiptik, medısınalyq gazdar jáne ınjınırıng salasyndaǵy jetekshi álemdik kompanııa, biz úshin strategııalyq mańyzdy seriktes. Bul Qazaqstandaǵy halyqaralyq kompanııanyń ekinshi ınvestısııalyq jobasy. 2013 jyly Temirtaý qalasynda aýa bólý zaýyty óz jumysyn bastady. Men, Qaraǵandy oblysy ákiminiń orynbasary retinde, 2018 jyly jańa qondyrǵynyń qazyǵynyń qaǵylýyna qatystym, eki jyldan keıin osy jobanyń ýaqtyly iske qosylǵanyna qýanyshtymyn. Kompanııa QR SIM Investısııalar jónindegi Komıtetimen ınvestısııalyq kelisimshart jasap, preferensııalar aldy. Joba Qaraǵandy oblysynda hımııa ónerkásibin damytýǵa úlken serpin beretinine senimdimin. Sondaı - aq, osy kúrdeli kezeńde kásiporyn aýrýhanalardyń qajettilikteri úshin ottegin jetkizýdi jolǵa qoıǵanyn atap ótemin", - dep túsindirdi QR Syrtqy ister mınıstriniń orynbasary Almas Aıdarov.
Salanyń damýyna Qazaqstandaǵy eń iri metallýrgııalyq kásiporyn ókilderi de áserin atap ótti: "Aýany bólýdiń jańa qondyrǵysyn iske qosý ónerkásiptik gazdarmen, ottegimen jáne azotpen turaqty senimdi qamtamasyz etedi. Jańa blok energetıkalyq turǵydan zamanaýı jáne únemdi. Bizdiń "Lınde Gaz Qazaqstan» kompanııasymen yntymaqtastyǵymyzdy tabysty dep sanaımyn. Bolashaqta bizdiń yntymaqtastyǵymyz energetıka jáne kombınat sehtaryn ónerkásiptik gazdarmen qamtamasyz etý boıynsha úzdik pozısııalardy alýǵa kómektesedi dep úmittenemin", – dedi "ArselorMıttalTemirtaý" AQ atqarýshy dırektory Vadım Basın.
Linde nemis transulttyq kompanııasy odan ári yntymaqtastyqqa múddeli: "Bizdiń "ArselorMıttalTemirtaý" kompanııasymen yntymaqtastyǵymyzdy atap ótkim keledi, ol uzaq ýaqytqa sozylady jáne ol osy zaýyttyń qurylysynda aıaqtalmaıdy dep oılaımyn", – dep atap ótti "Lınde Gaz Qazaqstan" JShS Bas dırektory Batyrjan Tergeýsizov.
"KAZAKH INVEST" UK" AQ tarapynan ınvestorǵa óndiristik alańdy anyqtaýǵa, ınvestısııalyq kelisimshart jasasýǵa kómek kórsetildi, memlekettik organdarmen ózara is-qımyldy uıymdastyrý bóliginde jobany súıemeldeý qamtamasyz etildi. Sonymen qatar, kompanııa jalpy álemdik jaǵdaı óziniń túzetýlerin engizip, prosestiń barlyq qatysýshylaryn birqatar máseleler boıynsha sheshimderdi jedel izdeýge yntalandyrǵanyn atap ótti.
Investısııalar men joǵary tehnologııalardy qoldanýdyń arqasynda bul jobany iske asyrý Qaraǵandy oblysynyń hımııa ónerkásibi úshin mańyzdy oqıǵa boldy. COVID-19 pandemııasynan týyndaǵan qıyndyqtarǵa qaramastan, jol júrý shekteýleri boıynsha qurylys jumystary eki jylǵa sozyldy. Aıta keteıik, montajdaý jumystary men iske qosý-retteý jumystary alǵash ret eýropalyq sarapshylardyń qoldaýymen qashyqtan oryndaldy, olar qazirgi zamanǵy sıfrlyq baılanys quraldarynyń kómegimen tikeleı Temirtaý qalasynda júrgiziletin jumystardy qashyqtyqtan basqardy.
