Álem • 12 Tamyz, 2020

AQSh Beırýttegi jarylǵysh zattar týraly 2016 jyldan beri habardar bolǵan

129 ret kórsetildi

Beırýtte jumys istegen amerıkalyq sheneýnikter 2016 jyldan beri jarylysty týdyratyn jarylǵysh zattar týraly bilgenderin aıtty. Bul týraly The New York Times-ke silteme jasaı otyryp Egemen.kz habarlaıdy.

Agenttiktiń aqparaty boıynsha AQSh-tyń dıplomatııalyq jedelhatyna sáıkes, amerıkalyq merdiger tórt jyl buryn Beırýt portynda qaýipti jaǵdaıda saqtalǵan jarylǵysh hımıkattary bar úlken angar týraly AQSh bıligine eskertý jasaǵanyn málimdedi.

Sondaı-aq jedelhatta amerıkalyq sarapshy porttyń qaýipsizdigin tekserý kezinde hımııalyq zattardy tapqany aıtylǵan.

AQSh-tyń hımııalyq zattar týraly biletini jáne eshkimge eskertpegeni kópshiliktyń yzasyn týǵyzdy. Jarylys saldarynan eki áriptesinen aıyrylǵan Amerıkanyń bul áreketine Batys dıplomattary tańdanystarymen qosa, ashýly ekenderin de jasyrmady. Olar: Nıderlandy elshisiniń áıeli Hedvıg Valtmans-Molıer jáne túsin tústemeýdi ótingen Germanııa konsýldyǵynyń qyzmetkeri bolyp shyqty.

Alaıda, AQSh Memlekettik departamentiniń joǵary laýazymdy qyzmetkeri AQSh bıligi hımııalyq zattar týraly biletinin joqqa shyǵarady jáne olarǵa habarlanbaǵanyn aıtty.

"Merdiger portqa shamamen tórt jyl buryn beıresmı túrde keldi jáne sol kezde AQSh úkimetimen nemese memlekettik Departamentpen jumys istemedi", dedi sheneýnik. Sonymen qatar, joǵary laýazymdy tulǵa ótken aptaǵa deıin mekemege merdigerdiń habarlamasy týraly eshqandaı jazba bolmaǵanyn aıtty.

Agenttiktiń habarlaýynsha, dıplomatııalyq jedelhat jóninde AQSh-tyń Lıvandaǵy elshiligi 7 tamyzda jibergenin aıtady. Jedelhatta aldymen ammonıı nıtraty týraly biletin Lıvan bıliginiń esimderi kórsetilgen. Sodan keıin jedelhatta AQSh Qarýly Kúshteri jaldaǵan amerıkalyq qaýipsizdik jónindegi keńesshisiniń portty tekserý kezinde hımııalyq zattardyń qaýipsiz kúıde saqtalǵanyn anyqtady.

Sóıte tura, merdigerdiń Amerıka tarapyna aqparatty qashan bergeni áli belgisiz. Buǵan deıin de jarylystan zardap shekken eldiń dıplomattary Amerıka Qurama Shtattaryna shaǵym túsirgen. Bul jaǵdaıda Lıvandyq port jumysshylary birneshe ret ammonıı nıtratyn jáne qaýipti zattardyń ornyn aýystyrý jóninde eshqandaı jumystar atqarylmaǵanyn aıtyp ótti.

Sońǵy málimetter boıynsha, jarylystan 171 adam qaıtys boldy, 30-40 adam habar-osharsyz ketti. Joıqyn jarylystan 7 myńnan asa adam aýyr jaraqat alǵany aıtyldy. Sondaı-aq jarylys saldarynan Qazaqstannyń Lıvandaǵy dıplomatııalyq mıssııasynyń ǵımaratyna nuqsan kelip, Qazaqstannyń Lıvandaǵy konsýly da zardap shekti.

Jarylystan keıin Beırýt porty jappaı tártipsizdikterge ushyrady. Narazylyq bildirýshiler úkimet ǵımarattaryna shabýyl jasady. Kelesi kezekte lıvandyqtar Fransýz baqylaýyna ótý týraly ótinishti bastady. Budan bólek, 10 tamyzda Lıvan úkimeti otstavkaǵa ketkeni belgili boldy.

Sońǵy jańalyqtar

Or ózenin ortaıtyp otyrǵan kimder?

Vıdeo • Búgin, 18:39

Shyǵysta jazýshy músini tuǵyrǵa qondy

Rýhanııat • Búgin, 17:37

Bas basylym tilshisi qurmetke bólendi

Oqıǵa • Búgin, 14:45

Alıment tólemegen áke qolǵa tústi

Aımaqtar • Búgin, 13:21

Almatyda Kók bazar jabylady

Aımaqtar • Búgin, 11:02

Demalys kúnderi aýa raıy qandaı bolady

Aýa raıy • Búgin, 11:00

Uqsas jańalyqtar