Aımaqtar • 12 Tamyz, 2020

Qyzylorda oblysynda vırýs dınamıkasy turaqtalyp keledi

56 ret kórsetildi

Karantındik shekteýlerdiń áseri óńirdegi epıdemıologııalyq ahýaldyń jaqsarýyna, vırýs dınamıkasynyń turaqtanýyna alyp keldi. Indet órshigen kezden bergi jaǵdaımen salystyrǵanda vırýs juqtyrǵandar sany azaıyp, saýyǵyp shyqqandar qatary kóbeıdi, - dep habarlaıdy Egemen.kz Qyzylorda oblysy ákiminiń baspasóz qyzmetine silteme jasap.

Búgingi kúni ınfeksııalyq stasıonarda 51 adam em alýda. Aýdandardaǵy aýrýhanalar ishinen ashylǵan provızorlyq stasıonarlar jabylýda. Máselen, keshe Jańaqorǵan aýdanynyń aýrýhanasynan sońǵy naýqas aıyǵyp shyǵyp, úıine oraldy. Emdeý mekemeleri josparly qabyldaýǵa qaıta kirisýde.

Indetti órshitpeý maqsatynda óńirde 6 kompıýterlik tomografııa jumys istep tur. Degenmen, áli de 2 apparatqa qajettilik bar. Degenmen, rentgen apparatyn alý bir aı ishinde 2 esege ósti. Buryn 22 apparat bolsa, qazir 52 apparatqa deıin jetip otyr. О́kpeni jasandy jeldetý apparattary da qajettilikke qaraı alynǵan. Shilde aıynda apparat sany 64 bolsa, jańadan 53 IVL apparaty alyndy. Turaqty qoldaý sharalarynyń nátıjesinde aımaqta barlyǵy 431 ottegi konsentratory, 896 ottegi ballondary bar. Al óńirde 10 PTR apparattary halyqqa qyzmet jasap, táýligine 1500 synama analızder alýǵa múmkindik berdi.

Vırýsty boldyrmaýda dári-dárimektiń qoryn jasaqtaý mańyzdy. Oblysta barlyq medısına mekemeleri dárilik zattarmen jáne qorǵanysh quraldarymen qamtamasyz etildi. Búgingi kúni qajettilik esepke alynyp, emdeý mekemelerinde 2 aıǵa jeterlik qor qalyptasty. Al, dárihanalarda 1 aıǵa jeterlik qory jasaqtaldy.

О́ńirde jedel-járdem shaqyrtýlary da azaıdy. Maýsym aıyndaǵy shaqyrtý sanymen salystyrǵanda búginde naýqastardyń qońyraýlary eki esege tómendegen. Buryn 2120 shaqyrý tússe, qazir shaqyrtý 1001-di qurap otyr. Demek, júkteme tómendedi. Shekteý sharalarynyń oń áserinen stasıonarǵa jetkizilgen adamdar sany 8 esege qysqardy. Maýsymdyq kórsetkish 450 bolsa, shildede 57-ge tómendedi. Jeke azamattardyń qaýipsizdikti saqtap, oqshaýlanyp, qajetti em-sharalaryn alýyna aqparattyq túsindirme jumystarynyń oń áseri tıdi. О́ńirde 24 saǵat call ortalyǵy jumys júrgizip, 161 mobıldi top quryldy. Biliktikti dárigerlerdiń qatysýymen "Dáriger saǵaty" baǵdarlamasy ashylyp, tikeleı efırde halyqqa qajetti aqparat usynyldy. BAQ pen áleýmettik jelide 37887 materıal, 220 brıfıng ótken.

Sońǵy aptalyq ahýaldyń jaqsarýyna sáıkes medısına mamandary turǵyndardyń karantındik talaptardy saqtap, oqshaýlaný qaǵıdasymen júrý qajettigin suraıdy. Tek shekteýlerdiń nátıjesinde ǵana aıyqqandar sany kóbeıip, vırýs indetin túbegeıli joıý múmkindigi bolady.

Sońǵy jańalyqtar

Atyraýda jol boıynda traktor aýdaryldy

Aımaqtar • Búgin, 19:11

Or ózenin ortaıtyp otyrǵan kimder?

Vıdeo • Búgin, 18:39

Shyǵysta jazýshy músini tuǵyrǵa qondy

Rýhanııat • Búgin, 17:37

Bas basylym tilshisi qurmetke bólendi

Oqıǵa • Búgin, 14:45

Alıment tólemegen áke qolǵa tústi

Aımaqtar • Búgin, 13:21

Almatyda Kók bazar jabylady

Aımaqtar • Búgin, 11:02

Demalys kúnderi aýa raıy qandaı bolady

Aýa raıy • Búgin, 11:00

Atyraýda jol apatynan 39 adam kóz jumdy

Aımaqtar • Búgin, 09:58

Uqsas jańalyqtar