Aksııanyń maqsaty balalardyń qaýipsizdigin qamtamasyz etý, kámeletke tolmaǵandar arasyndaǵy quqyq buzýshylyqtyń aldyn alý jáne profılaktıkalyq qaýipsizdik sharalaryn jetildirý bolyp tabylady.
Sharaǵa mektepke deıingi jáne mektep jasyndaǵy balalar, oqýshylar men jastar, múddeli memlekettik organdardyń ókilderi, pedagogtar men ana-analar, úkimettik emes uıymdar, shyǵarmashylyq qoǵam jáne BAQ ókilderi qatysady.
Aksııa barysynda múddeli memlekettik organdarmen birlese otyryp balalardyń jeke quqyqtary men qaýipsizdigin saqtaý boıynsha túrli onlaın-is sharalar uıymdastyrylady.
Balalarǵa qatysty zorlyq-zombylyqtyń aldyn alý, olarǵa qatygezdikpen qaraý faktilerin anyqtaý, kámeletke tolmaǵandardy qoǵamǵa qarsy is-áreketter jasaýǵa tartý, sonymen qatar balalardy ata-anasynyń qamqorlyǵynsyz qaldyrý máseleleri boıynsha ata-analardyń onlaın-jıyndary ótkiziledi.
Aksııa sheńberinde ótkiziletin ár is-shara oqýshylardyń quqyqtyq sanasyn qalyptastyrýǵa jáne qaýipsiz mektep ortasyn qurýǵa jaýapty minez-qulyq daǵdylary men salaýatty ómir saltyn qalyptastyrýǵa baǵyttalǵan.
