Aımaqtar • 12 Tamyz, 2020

Aqtóbe oblysynda 1000 armıan kóligi tirkeldi

28 ret kórsetildi

Aqtóbe oblysynda búginde myń armıan esebindegi avtokólikter tirkeýge alyndy. Bul týraly IIM baspasóz qyzmeti silmetine silteme jasaı otyryp Egemen.kz habarlaıdy.

Armenııadan ákelingen myńǵa jýyq avtokólikti aqtóbelikter 2020 jyldyń 1 maýsymynan bastap tirkedi. Polısııa 1 qyrkúıekte atalǵan avtomobılderdi tirkeý merzimi aıaqtalatynyn jáne tirkelmegen avtokólikterdiń barlyq ıeleri QR ÁQBtK-niń 590-baby boıynsha ákimshilik jaýapkershilikke tartylatynyn eske saldy.

Armenııadan Aqtóbe oblysyna eki myńnan astam avtokólik ákelindi. Búgingi kúni resmı derekter boıynsha Aqtóbe oblysynyń aýmaǵynda 965 avtokólik quraly esepke alyndy, bul tek 43% – dy quraıdy. Azamattardyń avtokólikterdi tirkeý jumystary qarqyndy túrde júzege asyrylyp jatyr. Bir kúnde 60-tan asa avtokólikter tirkeýge alynǵan.

Oblystyq Polısııa departamenti avtokólik ıelerin avtokólikterdi tirkeýge asyǵýǵa shaqyrady, óıtkeni tirkeýdiń sońǵy kúnderinde arnaıy mamandandyrylǵan halyqqa qyzmet kórsetý ortalyǵynda adamdar kóp jınalýy múmkin, bul birinshi kezekte azamattarǵa qolaısyzdyq týdyrady.

Esterińizge sala keteıik, qaýlyǵa sáıkes kólik quralyn tirkeý quny 11 946 teńgeni quraıdy. Oǵan 695 teńge (0,25 AEK) – tirkeý úshin alym; 3 773 teńge (1,25 AEK) – tirkeý kýáligi úshin baj; 7 778 teńge (2,8 AEK) – memlekettik nómir úshin baj kiredi.

Tirkeý erejelerin túsindirý úshin Polısııa departamentinde 525-100 telefony boıynsha Call-ortalyq jumys isteıdi. Azamattarǵa yńǵaıly bolý úshin jumys reglamenti ózgerdi, qabyldaý senbi kúni saǵat 09:00-den 14:00-ge deıin júrgiziledi, sondaı-aq jumys kúnderi jumys tártibi 09:00-den 17:00-ge deıin uzartyldy.

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar