Qoǵam • 12 Tamyz, 2020

Qazaqstandaǵy medısınalyq-áleýmettik mekemelerde qyzmet sapasy artýda

28 ret kórsetildi

Qazaqstandaǵy medısınalyq-áleýmettik mekemelerde kórsetiletin qyzmetterdiń sapasyn jaqsartý maqsatynda jumys tásilderi ózgerýde. Onyń ishinde bıylǵy jyldyń sáýir aıynda eldi dúrliktirgen oqıǵa oryn alǵan Aıagóz balalarǵa arnaıy áleýmettik qyzmetter kórsetý ortalyǵynda birqatar sharalar qabyldandy. MÁM jumysyn jaqsartý tetikteri, áleýmettik jumystyń basym baǵyttary vedomstvoaralyq keńestiń otyrysynda talqylandy, - dep habarlaıdy Egemen.kz mınıstrliktiń baspasóz qyzmetine silteme jasap.

Eńbek jáne halyqty áleýmettik qorǵaý vıse-mınıstri (budan ári – Eńbekmıni) Erlan Áýkenovtiń tóraǵalyǵymen ótken sharaǵa Shyǵys Qazaqstan oblysy ákiminiń orynbasary (budan ári – ShQO) Álisher Marhabat, Prezıdent Ákimshiliginiń ókilderi, Parlament Májilisiniń depýtattary, beıindi memlekettik jáne jergilikti atqarýshy organdardyń qyzmetkerleri, Bala quqyqtary jónindegi ombýdsmen, úkimettik emes uıymdardyń ókilderi qatysty.

Kezdesý barysynda Prezıdent Ákimshiligi men Úkimet komıssııalary Aıagóz ortalyǵynda júrgizgen tekserýdiń nátıjeleri jarııalandy.

Tekserýler nátıjeleri ortalyqta arnaıy áleýmettik qyzmetterdi kórsetý standarttarynyń tolyq saqtalýy bóliginde birqatar zańbuzýshylyqtar bolǵanyn jáne de mekeme basshylyǵy tarapynan bul baǵytta tıisti baqylaý jasalmaǵanyn kórsetti.

Medısınalyq saraptama balalar aýrýhanada negizgi jáne qatar júretin aýrýlardyń, sonyń ishinde aýyr týa bitken patologııalardyń saldarynan qaıtys boldy degen qorytyndyny aıqyndady.

Shyǵys Qazaqstan oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy Jasulan Sársebaevtyń aıtýynsha, ákimdik zańbuzýshylyqtardy joıý úshin shuǵyl sharalar qabyldady. 2 ǵımaratty jóndeýge, balalar alańdaryn abattandyrýǵa 139,5 mln teńge bólindi. EDSh úshin trenajerlardy, monıtorlardy, kópfýnksıonaldy kereýetterdi satyp alýǵa, «bultty» saqtaýy bar qosymsha beınekameralardy ornatýǵa qosymsha 46,9 mln teńge qosymsha qarastyrylǵan. Ortalyq qyzmetkerleriniń biliktiligin arttyrýǵa 3,5 mln teńge bólindi.

Sonymen qatar, qazirgi ýaqytta ortalyqta taǵy bir turǵyn jaı qurylysynyń jobalyq-smetalyq qujattamasy jasalýda. Jańa ǵımarat lıftimen, pallıatıvti top úshin uıyqtaıtyn bólmelermen, medısınalyq bekettermen, oıyn bólmesimen jáne ashanamen jabdyqtalady. Eski korpýsta alańdardy bosatýǵa baılanysty qosymsha kabınetter men zaldar (EDSh, sportzal jáne t.b.) ornalastyrylatyn bolady.

Sondaı-aq, mekemede kadrlyq ózgerister boldy. Ortalyqta dırektor men medısınalyq bólimshe meńgerýshisi qyzmetinen bosatyldy. Dırektor qyzmetine 20 jyldyq tájirıbesi bar, buryn oblystyń bas pedıatry qyzmetin atqarǵan pedıatr-dáriger taǵaıyndaldy. Shyǵys Qazaqstan oblysy ákimdiginiń jumyspen qamtýdy úılestirý jáne áleýmettik baǵdarlamalar basqarmasy ortalyqpen jumys bóliminiń bastyǵy tártiptik jaýapkershilikke tartylyp, Aıagóz aýrýhanasynyń bas pedıatryna qatań sógis jarııalandy. Ortalyq quramynda gospıtal epıdemıology shtaty ashyldy.

Eńbekmıni Shyǵys Qazaqstan oblysy ákimdiginiń túıtkildi máselelerdi sheshýge sapaly turǵyda kúsh salǵanyn atap ótti.

Kezdesý barysynda QR Eńbekmıni Eńbek, áleýmettik qorǵaý jáne kóshi-qon komıteti tóraǵasynyń orynbasary Asqar Aımaǵambetov vedomstvoaralyq úılestirýdi kúsheıtý maqsatynda jumyspen qamtýdy úılestirý jáne áleýmettik baǵdarlamalar, densaýlyq saqtaý, bilim berý basqarmalarynyń jáne medısınalyq baqylaý qyzmetteriniń birlesken buıryǵy qabyldanǵanyn jetkizdi.

Sonymen qatar, Eńbekmıni karantındik shekteý sharalary alynyp tastalǵannan keıin elimizdegi stasıonarlyq sıpattaǵy barlyq 136 memlekettik MÁM-ge qyzmet alýshylardyń quqyqtary men múddeleriniń saqtalýy boıynsha keshendi tekserý júrgizý bastamasyn kóterdi.

Sondaı-aq, Eńbekmıni medısınalyq-áleýmettik mekemelerdegi kórsetiletin qyzmetterdiń sapasyn arttyrý, olardyń qyzmetiniń ashyqtyǵy men transparenttiligin qamtamasyz etý boıynsha 22 usynys ázirlep, ákimdikterge jiberdi. Búgingi tańda MÁM janynan qoǵamdyq keńester qurý, MÁM bıýdjetterin ashyq túrde jarııalaý, áleýmettik jelilerde paraqshalar qurý, qamqorlyqtaǵy jandardyń ınternetke qoljetimdiligin qamtamasyz etý jáne taǵy basqa birqatar usynystar oryndaldy. Qoǵamdyq keńesterdiń quramyna qamqorlyqtaǵylardyń týystary men jaqyndary, salalyq sarapshylar, ákimdikter janyndaǵy Qoǵamdyq keńesterdiń músheleri jáne ÚEU ókilderi kirdi, olar qyzmet alýshylardyń quqyqtarynyń saqtalýyn jáne qarajattyń jumsalýyn baqylaıdy.

Qazirgi ýaqytta IýNISEF jáne QR Tuńǵysh Prezıdenti – Elbasy qory janyndaǵy «Qamqorlyq qory» korporatıvtik qorymen birlesip, 11 myńnan astam áleýmettik qyzmetkerlerdi odan ári oqyta otyryp, testileý ótkizýge daıyndyq bastaldy, bul olardyń bilimi men biliktiliginiń deńgeıin arttyrýǵa múmkindik beredi. Áleýmettik qyzmetkerlerdiń etıkalyq prınsıpteri men minez-qulqynyń negizgi standarttaryn anyqtaıtyn áleýmettik qyzmetkerlerdiń minez-qulyq etıkasyna arnalǵan ádistemelik usynystardyń jobasy jasaldy.

Aıta keteıik, Eńbekmıni jergilikti atqarýshy organdar men úkimettik emes uıymdardan MÁM qyzmetin jetildirý boıynsha usynystar jınady Bıyl Eńbekmıni halyqqa áleýmettik qyzmet kórsetýdi jaqsartýǵa baǵyttalǵan birqatar tujyrymdamalyq qujattardy ázirleýdi josparlap otyr: Qazaqstanda áleýmettik qyzmet júıesin odan ári jańǵyrtýdyń 2025 jylǵa deıingi ulttyq is-qımyl jospary, áleýmettik qyzmetkerlerge úzdiksiz bilim berýdiń tujyrymdamalyq tásilderi, otbasy jaǵdaıyn anyqtaý ádistemesi jáne «Áleýmettik qyzmetkerdiń áleýmettik mártebesi týraly» zańnyń tujyrymdamasy.

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar