Ekonomıka • 12 Tamyz, 2020

Aýyl sharýashylyǵy mınıstrligi sút fermasy salasyna sýbsıdııany arttyrdy

86 ret kórsetildi

Aýylsharýashylyǵy mınıstrligi fermerlerdiń sút fermalaryna qyzyǵýshylyǵyn jáne sút baǵytyndaǵy iri qara maldyń úlesin arttyrý maqsatynda Mal sharýashylyǵy ónimderiniń ónimdiligi men sapasyn arttyrýdy sýbsıdııalaý erejelerine túzetýler engizdi, - dep habarlaıdy Egemen.kz mınıstrliktiń baspasóz qyzmetine silteme jasap.

Mınıstr Saparhan Omarovtyń aǵymdaǵy jyldyń 17 shildesindegi buıryǵymen sútti mal sharýashylyǵynda ımporttalǵan asyl tuqymdy analyq mal basyn satyp alý úshin sýbsıdııalaý normatıvi 225-ten 400 myń teńgege deıin, otandyq mal basyn satyp alý úshin  - 150-den 200 myń teńgege deıin, sondaı-aq sút qunyn arzandatý úshin sýbsıdııalaý normatıvteri synaq salmaǵynyń bir kılogramy úshin 20-dan 45 teńgege deıin ózgerip otyrady. Burynǵy normatıv boıynsha kılogramy 10-35 teńgeni quraǵan bolatyn.

Budan basqa, ónerkásiptik jáne otbasylyq úlgidegi sút-taýar fermalaryn salýǵa arnalǵan ınvestısııalyq shyǵyndardy óteý maqsatynda № 6 pasport kózdelgen, onyń sheńberinde qýaty 400 analyq mal basynan bastalatyn sútti baǵyttaǵy iri qara maldy ósirýge arnalǵan obektilerdi qurý jáne keńeıtý úshin jáne 50 analyq mal basynan bastap sút-taýar fermasyna arnalǵan jabdyqtar satyp alý úshin shyǵyndardyń 25% óteledi.  

Sonymen qatar, «QazAgro» UBH» AQ syıaqy mólsherlemesi 6% jáne 10 jylǵa deıingi merzimge arnalǵan óndiristik sút-taýarlary fermalarynyń qurylysyn qarjylandyrý boıynsha jumys júrgizýde.

Buǵan deıin habarlaǵanymyzdaı, Agroónerkásiptik keshendi damytýdyń memlekettik baǵdarlamasyna jáne sút ónimderine ımportty almastyrý josparlaryna sáıkes, Aýyl sharýashylyǵy mınıstrligi jyl saıyn 25 ónerkásiptik sút fermalaryn paıdalanýǵa berý boıynsha belsendi jumys júrgizýde.

2020 jyldyń birinshi jartyjyldyǵynda Qazaqstanda jalpy mal sany 3810 bas IQM quraıtyn 6 iri sút fermasy iske qosyldy, jyl sońyna deıin taǵy 16 sút taýarlary fermasyn  iske qosý josparlanýda.

Sút fermalaryn damytýǵa qyzyǵýshylyq tanytqan fermerlerge qoldaý kórsetý maqsatynda Aýyl sharýashylyǵy mınıstrligi jazda taǵy birneshe sharalar qabyldady.

Atap aıtqanda, fermerlerdiń ótinishi boıynsha mal sharýashylyǵy keshenderin salýǵa arnalǵan ınvestısııalyq jobalardy qarjylandyrý kezindegi kepil, sondaı-aq bolashaqta kepilge qoıylatyn mal, tehnıka men jabdyqty satyp alýǵa arnalǵan nesıe talaptaryna ózgerister engizildi. Aýyl sharýashylyǵy mınıstrligi ınvestısııalyq jobany iske asyrý barysynda kepilzat jetispegen jaǵdaıda nesıe somasynyń 85% -yna deıin kepildik berý mehanızmin engizdi. Al maldy qazir 1: 1 ótimdilik koeffısıentimen satyp alýǵa bolady. Sonymen qatar, fermerler sýbsıdııa alǵannan keıin, turaqty kepil 15% bolady. Qalǵan 85% satyp alynǵan malmen qamtamasyz etiledi.

Sondaı-aq, Aýyl sharýashylyǵy mınıstrligi sút óndirýge arnalǵan mal sharýashylyǵy keshenderin 1500-ge deıin (qosa alǵanda) deıin tehnıkalyq turǵydan kúrdeli emes nysandarǵa aýystyrý týraly bastama kóterdi, bul memlekettik monopolııaǵa baılanysty keshendi vedomstvolyq emes saraptama qajettiligin joıdy. Endi fermerlerge óz qalaýy boıynsha kez-kelgen akkredıttelgen uıymdy STF qurylysynyń jobalaryna tehnıkalyq-ekonomıkalyq negizdemesine jáne jobalyq-smetalyq qujattamasyna saraptama júrgizýge tańdaýǵa múmkindik beriledi. Bul qurylys úshin qujattardy rásimdeý prosesin tezdetedi, sonymen qatar fermerler úshin shyǵyndardy azaıtady.

Bul ózgerister ishki naryqty sút ónimderimen qamtamasyz etý, óńdeýshi kásiporyndarǵa júkteý, aımaqtarda jumys oryndaryn qurý jáne t.b. máselelerdi sheshýge oń áser etedi.

Osylaısha, ımportty almastyrý boıynsha  memleket aǵymdaǵy jyldyń 1-jartyjyldyǵynda sútti mal sharýashylyǵymen aınalysatyn fermerlerdi qoldaýdy edáýir keńeıtti.

Sońǵy jańalyqtar

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar