Aımaqtar • 12 Tamyz, 2020

Áleýmettik dúkender turǵyndar úshin tıimdi

32 ret kórsetildi

«Baıqońyr» áleýmettik kásipkerlik korporasııasy» AQ basshylyǵy oblys ortalyǵyndaǵy birqatar saýda oryndarynyń jetekshilerimen kezdesti. О́z dúkenderinen áleýmettik burysh ashqan «Ajar sıtı», «Al-Asad», «Anvar», «Mıras», «Áleýmettik market» saýda úıleri men «Qyzylorda optomarketi» saýda jelisi ókilderi qatysqan kezdesýde azyq-túlik ónimderiniń baǵasy men sapasy, halyqty baǵasy arzan ónimmen qamtýdyń basqa da tásilderi jaıly aıtyldy.

- Halyqqa eń qajetti, áleýmettik mańyzy bar 19 túrli azyq-túlik ónimderi baǵasynyń qymbattamaýy búgingi kúnniń basty talabynyń biri. Memleket basshysy mindettegen bul tapsyrmanyń oryndalýyn oblys ákimdigi de turaqty qadaǵalaýda. Bizdiń korporasııa bul baǵytta biraz jumysty qolǵa aldy. Onyń alǵashqy nátıjeleri de jaman emes. Aldaǵy ýaqytta jurtshylyq úshin saýda oryndarynan áleýmettik buryshtar ashýdy jalǵastyra beremiz, – dedi «Baıqońyr» ÁKK» AQ basqarma tóraǵasy Erlan Nurlanbaev.

«Ajar sıtı» saýda úıi «Baıqońyr» ÁKK» AQ-men turaqty jumys jasap kele jatqan nysannyń biri. Bıyl saýda úıine zaem negizinde 50 mln. teńge berilip, «Ajar sıtı» belgilengen saýda oryndarynda 19 áleýmettik mańyzy bar azyq-túlik ónimderin bazar narqynan 10-15 paıyz tómen baǵada saýdalaýda. 

«Áleýmettik market» saýda úıiniń quryltaıshysy «Dancho» JK qazir oblys ortalyǵyndaǵy 29 áleýmettik dúkenniń 20-syn jalǵa alyp jumys jasaıdy. Olarǵa qoıylǵan basty talap – 19 taýardy halyqqa tıimdi baǵamen satý. Qazir turǵyndar bul bastamaǵa rızashylyqtaryn bildirip otyr.

«Baıqońyr» ÁKK» AQ basqarma tóraǵasy ózge de saýda úıleri basshylaryna osyndaı jolmen birlese jumys isteýdi usyndy. Kezdesýde kásipkerler tarapynan keı ónimderdiń sapasy men  baǵasy jaıly usynystar aıtyldy. «Ásirese, sońǵy aptada kartop pen qyryqqabattyń biraz bóligi jaramsyz bolyp shyqty, olardy suryptaǵannan keıingi satý baǵasy shyǵynymyzdy aqtamaıdy. Sondyqtan baǵasyn sál de bolsa kóterýdi suraımyz» dedi keıbir saýda oryndarynyń ókilderi. Osyǵan baılanysty basqarma tóraǵasy Erlan Nurlanbaev tıisti mamandarǵa tez arada máseleni sheshýdi tapsyrdy.

- Jedel túrde ónim sapasyn jaqsartamyz. Oǵan múmkindigimiz jetedi. Biraq, baǵa qymbattamaıdy. Ár dúkende halyqqa tıimdi áleýmettik buryshtar jumysyn jalǵastyra berýi kerek, – dedi ol.

О́ńirge azyq-túlik ónimderiniń barlyǵy derlik syrttan jetkiziledi. Osyǵan baılanysty óńirde óńdeý ónerkásibin qolǵa alýǵa bolady jáne olarǵa «Baıqońyr» ÁKK» AQ qoldaý kórsetedi. Jıyn sońynda Erlan Qumarbekuly kásipkerlerdi osy máselege baılanysty usynys berýge shaqyrdy.

 

 

 

Sońǵy jańalyqtar

Demalys kúnderi aýa raıy jyly bolady

Qazaqstan • Búgin, 11:25

Qazaqstanda dollar arzandady

Ekonomıka • Búgin, 11:21

Úrjarda ury ustaldy

Aımaqtar • Búgin, 09:31

Qazaqstanda 78 adamnan koronavırýs anyqtaldy

Koronavırýs • Búgin, 09:12

Bir adam eki adamnyń ómirin qutqara alady

Medısına • Búgin, 08:34

Imanbektiń ıirimderi

Rýhanııat • Búgin, 08:31

Qaıtqan qarjyda qaıyr bar

Qarjy • Búgin, 08:25

Ádiletsiz úkimniń álegi me?

Saıasat • Búgin, 08:24

Aýrýhanaǵa shabýyl jasady

Qoǵam • Búgin, 08:23

Oqýshylarǵa qýanysh syılady

Aımaqtar • Búgin, 08:14

Top balaǵa qysqy kıim áperdi

Rýhanııat • Búgin, 08:13

Egisti ártaraptandyrýǵa mán berildi

Oqıǵa • Búgin, 08:08

Qyrmanda – qyzý eńbek

Aımaqtar • Búgin, 08:02

Úlkendi syılaý – úlken fılosofııa

Rýhanııat • Búgin, 07:59

Máńgi qazaq kúntizbesi

Tanym • Búgin, 07:52

Uqsas jańalyqtar