Elorda • 12 Tamyz, 2020

Elordada uıaly telefon urlaǵan dúken qyzmetkerleri ustaldy

707 ret

kórsetildi

1 mın

oqý úshin

Jedel-izdestirý is-sharalaryn júrgizý barysynda elordalyq polıseıler elektrondy tehnıka satatyn "Sýlpak" iri saýda jelisi dúkenderiniń biriniń eki qyzmetkerin ustady. Bul týraly Nur-Sultan qalasynyń polısııa departamenti habarlaıdy, dep jazady Egemen.kz

Aıym DÁÝIT

Elordada uıaly telefon urlaǵan dúken qyzmetkerleri ustaldy

28 shildege qaraǵan túni eki qyzmetker túngi aýysymǵa túsip, elektr qýatynyń joqtyǵyn paıdalanyp, qoıma bólmesine urlyq jasady. 9 dana "Aıfon" markaly jáne 11 dana «Samsýng» markaly qymbat uıaly telefondar urlanǵan. Urlanǵan múliktiń jalpy quny 6 mln. teńge.

Tergeý barysynda kúdiktiler urlyq jasaǵandaryn moıyndady. Aıǵaq zattar, uıaly telefondar olardyń páterinen tárkilendi.

Qazirgi ýaqytta QR QK 188-baby "Urlyq" boıynsha sotqa deıingi tergeý bastaldy. Nur-Sultan qalasynyń Polısııa departamenti 2020 jyldyń basynan beri urlyq aýyr qylmys sanatyna jatqyzylǵanyn eske salady. Endi mundaı qylmystar úshin múlikti tárkileýmen úsh jyldan jeti jylǵa deıin bas bostandyǵynan aıyrý jazasy qarastyrylǵan jáne tatýlasý múmkindigin joqqa shyǵarady.