Qoǵam • 12 Tamyz, 2020

Ashat Aımaǵambetov Ulttyq keńes múshelerimen Prezıdent tapsyrmalarynyń oryndalý barysyn talqylady

2092 ret kórsetildi

Búgin Bilim jáne ǵylym mınıstri Ashat Aımaǵambetov Ulttyq keńes múshelerimen onlaın formatta Prezıdent tapsyrmalary men keńes músheleri tarapynan aıtylǵan usynystardyń júzege asyrylýyn talqylady.  Bul týraly Prezıdenttiń kómekshisi Erlan Qarın Facebook paraqshasynda jazdy, - dep habarlaıdy Egemen.kz.

"Kún tártibindegi negizgi másele mamyr aıynda ótken Ulttyq keńestiń 3-inshi otyrysynda Prezıdenttiń bergen tapsyrmalary men keńes músheleri tarapynan aıtylǵan usynystardyń júzege asyrylýy boldy. Atalǵan 3-i otyrystyń nátıjesi boıynsha, 30 pýnktiden turatyn jospar qabyldanǵan bolatyn. Mine, osy jospardyń oryndalýy boıynsha, árbir usynys qalaı qaralyp, qandaı sheshim qabyldanyp, qalaı júzege asyp jatqany boıynsha mınıstr arnaıy aqparat berdi. Iаǵnı, bul kezdesý memlekettik organdar men qoǵam belsendileri arasynda keri baılanys ornatýdyń jaqsy úlgisi boldy. Ádette memlekettik organdar qoǵam belsendilermen kezdesý ótkizip, suraqtary men usynystaryn tyńdasa da, kóp jaǵdaıda sol aıtylǵan usynystar qalaı qabyldanyp, qalaı júzege asyp jatqany boıynsha aqparat bermeıdi. Sondyqtan, búgingi kezdesý Ulttyq keńes múshelerine Bilim jáne ǵylym mınıstrliginen eki aı buryn ótken jıyn barysynda kótergen óz usynystaryna qatysty naqty jaýap alýǵa múmkindik berdi", - dep jazdy Erlan Qarın.

Sondaı-aq jazbada Ulttyq keńes músheleri Kanat Ilıch Nýrov, Gýlmıra Ileýova, Asylbek Qojahmetov, Aıgúl Orynbek, Arman Kashkınbekov, Muhtar Taıjan, Erlan Sairov mınıstrge jurtshylyqty alańdatyp júrgen kóptegen ózekti de ótkir máselelerge qatysty suraqtaryn qoıyp, óz pikirlerin jetkizgeni jaıynda aıtylady.

"Jıyn aıaǵynda, belgili bir ýaqyt ótkennen keıin talqylaýdy taǵy uıymdastyrý boıynsha sheshim qabyldandy. Jalpy, Ulttyq keńes músheleriniń ortalyq memlekettik bılik organdarynyń basshylarymen kezdesý praktıkasy jalǵasatyn bolady. Úkimetpen mınıstrlerdiń Ulttyq keńes múshelerimen osyndaı talqylaýlardy turaqty ótkizý boıynsha jospar qabyldandy", - delingen jazbada.

Erlan Qarınniń aıtýynsha, kelesi aptada Ulttyq keńes músheleriniń ekologııa mınıstri Maǵzum Myrzaǵalıevpen onlaın formattaǵy talqylaýy ótedi.

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar