Aımaqtar • 12 Tamyz, 2020

Almatynyń tórt jańa aýdanyndaǵy barlyq kóshelerge jaryq ornatylady

33 ret kórsetildi

Almaty qalasynyń ákimi Baqytjan Saǵyntaev "Almaty" telearnasynyń Akimat Live baǵdarlamasynda ótken tikeleı efırde qala turǵyndarynyń suraqtaryna jaýap bere kelip, jańa yqshamaýdandardaǵy kóshelerdi jaryqtandyrý jumystary týraly málimdedi, dep habarlaıdy Egemen.kz

Qalada ótken jyly jaryqtandyrý boıynsha keń kólemdi baǵdarlama qolǵa alyndy. Birqatar zertteý jumystary júrgizilgen soń 2024 kóshede jaryqtyń joq ekeni anyqtaldy. Sondyqtan 2019 jyly bıýdjettik qarjy qaıta qaraldy jáne osy baǵdarlamany oryndaýǵa jumsaldy.

"Biz ótken jyly qalanyń shet aımaǵyndaǵy Alataý, Naýryzbaı, Túrksib, Jetisý aýdandaryndaǵy 329 kóshege jaryq júrgizdik. Bıylǵy jyldyń 1 shildesinen bastap Alataý, Jetisý, Naýryzbaı, Túrksib aýdandarynda syrtqy jaryqty ornatý boıynsha jumystar bastaldy. Qalaǵa osydan birneshe jyl buryn qosylǵan yqshamaýdandarǵa basymdyq berilýde. Búgingi kúni 157 kóshede jaryq berý jumystary júrýde", dep habarlady B.Saǵyntaev jáne ol jaryqtandyrý qanshalyqty joǵary bolsa jaılylyq qana emes, qalanyń qoǵamdyq qaýipsizdik deńgeıiniń artatynyn da atap ótti.

2020-2021 jyldar ishinde qalanyń Alataý, Jetisý, Naýryzbaı jáne Túrksib aýdandarynyń aýmaqtaryn 100 paıyz jaryqtandyrý boıynsha jumystardy aıaqtaý josparlanǵan.

Jalpy qalanyń barlyq aýdandaryndaǵy 2024 kóshege, onyń ishinde Alataý aýdanynyndaǵy – 413, Almaly aýdanyndaǵy – 84, Áýezov aýdanyndaǵy – 89, Bostandyq aýdanyndaǵy – 155, Jetisý aýdanyndaǵy – 84, Medeý aýdanyndaǵy – 273, Naýryzbaı aýdanyndaǵy – 312, Túrksib aýdanyndaǵy 614 kóshege jaryq júrgiziletin bolady.

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar