Qoǵam • 12 Tamyz, 2020

Almaty ınfraqurylymyn jaqsartýdaǵy mańyzdy sheshimder qalalyqtardyń pikiri arqyly qabyldanady

24 ret kórsetildi

Bul týraly qala ákimi Baqytjan Saǵyntaev "Almaty" telearnasyndaǵy Akimat Live baǵdarlamasynyń tikeleı efırinde almatylyqtardyń suraqtaryna jaýap bere otyryp, málimdedi, dep habarlaıdy Egemen.kz

Kezekti habarda B.Saǵyntaev qalanyń ınfraqurylymyn jaqsartýǵa qatysty birqatar suraqqa jaýap berdi.

"Jol, sýmen qamtý jelisin salý, jaryqtandyrý, qaýipsizdikti qamtamasyz etý, aýlalardy abattandyrý, bala baqshalar men mektepterdiń qurylystaryn júrgizý jónindegi barlyq mańyzdy sheshimder turǵyndarmen kezdesýler arqasynda qabyldandy", dep atap ótti Almaty ákimi.

B.Saǵyntaev 2019 jyldyń ekinshi jartyjyldyǵynda qala aýmaqtaryn damytýdyń barlyq josparlary almatylyqtardyń pikirlerin eskere otyryp, qaıta jasalǵanyn atady.

"Birinshi kezekte qandaı máseleni sheshý qajettigin sol aýmaqta nemese aýdanda turatyn adamnan artyq eshkim bilmeıdi. Men turǵyndarmen kezdesý kezinde naqty aqparat alatynyma talaı ret kóz jetkizdim. Mundaı kezdesýlerdiń qanshalyqty paıdaly ekendigi jóninde suraq qoıǵan janmen tolyq kelisemin. Árıne, jumystyń bul túri odan ári jalǵasatyn bolady. Men ózim ashyqtyqty ári qala turǵyndarymen erkin áńgimelesýdi qoldaımyn", dedi B.Saǵyntaev.

Tamyz aıynan bastap ótken jyldyń sońyna deıin Almaty ákimi qala turǵyndarymen 16 kezdesý (ár aýdanda eki ret) ótkizdi, bul turǵyndardy tolǵandyratyn suraqtardy tyńdaýǵa múmkindik berdi. Budan ózge, almatylyqtar ákimniń jumys sapary kezinde ótinishteri men tilekterin bildirdi.

"Biz mundaı kezdesýlerdi osy jyldyń ekinshi toqsanynan bastap jalǵastyrýdy josparlaǵanbyz, biraq pandemııaǵa, elde tótenshe jaǵdaıdyń jarııalanýyna jáne karantındik sharalarǵa baılanysty olardy toqtatýǵa týra keldi. Ázirshe azamattardy qabyldaý onlaın-baılanys arqyly júrgizilýde. Budan ózge, "Almaty" telearnasynyń alańynda men sizderdiń suraqtaryńyzǵa únemi jaýap beretin bolamyn", dep atap ótti Almaty ákimi.

Eske salsaq, qalalyq jáne aýdandyq ákimdikterdiń, basqarmalardyń áleýmettik jelilerindegi resmı akkaýnttarǵa kelip túsken barlyq ótinishter men shaǵymdardy "Open Almaty" operatorlary qaraıdy. Olardyń árqaısysyna jaýaptar beriledi.

Bul Akimat Live baǵdarlamasynyń úshinshi efıri, onyń barysynda Almaty ákimi Baqytjan Saǵyntaev qalaǵa qatysty jalpy taqyryptar boıynsha 20-dan astam ózekti suraqtarǵa jaýap berdi. Almatylyqtardy qalaǵa birneshe jyl buryn qosylǵan yqshamaýdandardaǵy sýmen jabdyqtaý, jaryqtandyrý, jol salý máseleleriniń qalaı sheshilip jatqandyǵy jáne belgilengen josparlardyń oryndalýyna indettiń qanshalyqty áser etkeni qyzyqtyrdy.

О́tken aptada Almaty ákimi KVI-ge qarsy júrgizilgen pármendi is-sharalar týraly aıtyp, qalalyqtardyń eń ózekti suraqtaryna jaýap bergen bolatyn.

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar