Bilim • 12 Tamyz, 2020

Almatyda keler jyly oqýshy ornynyń tapshylyǵy 83%-ǵa qysqarady

37 ret kórsetildi

Almaty qalasynyń ákimi Baqytjan Saǵyntaev "Almaty" telearnasynyń Akimat Live baǵdarlamasynda ótken tikeleı efır barysynda mektepter qurylystarynyń qarqyny jáne jańa oqý jylyna daıyndyq barysy týraly áńgimeledi, dep jazady Egemen.kz

Halyqtyń qarqyndy kóship-qonýy men balalardyń týý deńgeıiniń ulǵaıýyna oraı Almatyda oqýshylar sany jyl saıyn orta eseppen 12 myńǵa artyp otyr. О́tken oqý jylynda oqýshylardyń jalpy sany 17 myńnan astam balaǵa ósti. Búgingi tańda oqýshy ornynyń tapshylyǵy 30 myń oryndy quraıdy.

Sondyqtan ótken jyly mektep qurylystaryn jedeldetý qarqyndy júrgizildi. Bıylǵy 1 qyrkúıekte Áýezov jáne Túrksib aýdandarynda 1800 oryndy eki jańa mektep ashylady. Sonymen qatar, qala mektepteriniń janynan 3642 oryndy segiz qosalqy nysandar salynýda.

Bulardan ózge, "Jumyspen qamtýdyń Jol kartasy-2020" baǵdarlamasy boıynsha 13 200 oryndy toǵyz mektep, mektepter janynan 6550 oryndy 13 qosalqy nysan salý josparlanǵan. MJÁ aıasynda 5700 oryndy bes mektep salý usynyldy.

"Osylaısha, 2021 jyldyń sońyna deıin oqýshy ornynyń tapshylyǵyn 83%-ǵa qysqaratyn bolady", dep habarlady B.Saǵyntaev.

Almaty ákimi jańa oqý jylyna daıyndyq týraly aıta kele, koronavırýs ınfeksııasynyń indetine baılanysty balalar men pedagogtardyń densaýlyǵyn saqtaý maqsatynda Bilim jáne Ǵylym mınıstrliginiń epıdemııalyq ahýal jaqsarǵanǵa deıin qashyqtan oqytý týraly sheshim qabyldaǵanyn eske saldy. Burynǵy oqý formatyna kezeń boıynsha kóshý josparlanǵan. Shtatty rejımge birinshi kezeńde 1-5 synyp oqýshylary, ekinshi kezeńde 6-11 synyp oqýshylary kóshedi ári sanıtarlyq qaýipsizdiktiń pármendi sharalary qamtamasyz etiletin bolady.

B. Saǵyntaev birinshi kezekte az qamtylǵan otbasylar balalaryn kompıýterlik tehnıkamen qamtamasyz etýge erekshe kóńil bólinetinin aıtty. Júrgizilgen monıtorıng nátıjesi boıynsha 70 myńnan astam adamǵa, onyń ishinde oqýshylar men muǵalimderge kompıýterler men noýtbýktar beriletin bolady.

"Budan ózge, ınternetke qoljetkizý jáne mobıldi baılanys nashar aımaqtarǵa monıtorıng júrgizildi. Uıaly baılanys operatorlary ornatatyn qosymsha taratýshy antennalardyń orny anyqtaldy", dep atap ótti Almaty ákimi.

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar