Oqıǵa • 13 Tamyz, 2020

Biryńǵaı keshendi strategııalyq mindet sheńberinde oqý-jattyǵýlar josparlanǵan

7 ret kórsetildi

Qarýly Kúshterdiń apparattyq keńesi barysynda Aqparat jáne kommýnıkasııalar departamentiniń jańa bastyǵy polkovnık Serik Habdúlmútalıapuly Qanapııanov tanystyryldy. Ol áskerı jýrnalıstıka jáne áskerı bilim berý júıesinde ártúrli laýazymdarda qyzmet etken Lvov joǵary áskerı-saıası mektebiniń jýrnalıstıka fakýltetiniń túlegi.

Apparattyq keńes qazaqtyń uly aqyny jáne aǵartýshysy Abaı Qunan­baıulynyń týǵan kúninde ótti. Osy­ǵan baılanysty, Qarýly Kúsh­terde memlekettik-quqyqtyq d­a­ıyndyq júıe­sin­de aqynnyń shy­ǵar­ma­shylyǵyn zert­teý boıynsha sa­baqtar ótkizildi. Qorǵanys ve­dom­stvosynyń basshysy qazaqtyń uly oıshyly jáne aqyny Abaı Qu­nan­baıulynyń halyqtyń zııatkerlik jáne rý­hanı damýyna qosqan zor úlesin atap ótti.

Qazirgi tańda arnaıy maqsattaǵy áskerı-medısınalyq jasaq Beırýt­qa kelip, zardap shekkenderge me­dı­sınalyq kómek kórsetýge ki­ris­­ti. Qor­ǵa­nys vedomstvosynyń basshysy tıisti laýazymdy adamdarǵa Lıvan Respýblıkasynda áskerı qyzmet­shi­ler­diń qaýipsizdigin qam­ta­ma­syz etýdi tapsyrdy.

«Áskerı dárigerlerdiń daǵdarys jaǵdaıynda alǵan jumys tájirıbesin zerdeleý jáne ártúrli jaǵdaılarda medısınalyq qamtamasyz etýdi da­ıyndaý jáne uıymdastyrý kezinde pa­ıdalaný qajet», dep atap ótti Qorǵanys mınıstri.

Sonymen qatar apparattyq keńes barysynda Qarýly Kúshterdegi sanı­tar­lyq-epıdemııalyq jaǵdaı máseleleri qaraldy.

Bólingen bıýdjet qarajatyn sapaly jáne ýaqtyly ıgerý jáne bıýd­jet­tik baǵdarlamalardyń kór­set­kish­terine qol jetkizý úshin Qorǵanys mı­nıstrliginiń, Bas shtabtyń jáne Qa­rýly Kúshterdiń qurylymdyq bólimsheleriniń bastyqtaryna árbir kórsetkishtiń oryndalýyna taldaý júrgizý jáne olarǵa qol jetkizý jó­ninde sharalar qabyldaý tapsyryl­dy.

Dástúrli túrde jaýyngerlik da­ıyn­dyq máseleleri qarastyryldy. Kúrdeli epıdemııalyq jaǵdaıǵa qara­mastan, jaýyngerlik daıarlyq baǵ­darlamasy tolyq kólemde oryndal­dy.

Osyǵan baılanysty vedomstvo bas­shysy buryn josparlanǵan is-sharalardy ótkizý boıynsha jumysty jalǵastyrýdy, basqarý organdary men áskerlerdi biryńǵaı keshendi stra­tegııalyq mindet sheńberinde aǵym­daǵy jyldyń qyrkúıeginde ótkizý josparlanyp otyrǵan oqý-jat­tyǵýlarǵa sapaly daıarlaýdy qamtamasyz etýdi tapsyrdy.

Qorǵanys mınıstri atys daıyn­dy­ǵynyń kópfýnksıonaldy orta­ly­ǵyn qurý máselesine erekshe nazar aýdardy. Ortalyq áskerı qyz­met­shilerdiń jaýyngerlik daıar­ly­ǵy­nyń ajyramas quramdas bóligi retinde qarastyrylatyn armııalyq taktıkalyq oq atýdy jáne qoıan-qoltyq urysty qamtıtyn jańa ba­ǵytty damytý úshin qajet. Kez kel­gen jyldam ózgeretin ortada armııa­lyq jekpe-jek urys jáne atys qarýyn qoldaný ádisteriniń úılesýi zeıindi bólý daǵdylaryn, reaksııa jyl­dam­dyǵyn, baıqaǵyshtyqty jáne keńis­tik­tik baǵdarlaýdy jaqsartady.

Sonymen qatar mınıstr bólim­she­­­lerdegi jas býyndy áske­rı ant qa­­byldaǵannan keıin 1 qyr­kúıek­ke deıin jaýyngerlik ázirlik bo­ıynsha tak­tı­ka­l­yq-saptyq sa­baq­tardy muqııat daıyndap ótki­zý, sondaı-aq quramalar men bó­lim­der­diń jaýyngerlik esepterine naqtylaýlardy engizý qajettigin atap ótti.

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar