Qoǵam • 13 Tamyz, 2020

Áleýmettik qyzmetkerler ádebiniń ádistemesi

33 ret kórsetildi

Eńbek jáne halyqty áleýmettik qorǵaý mınıstrligi halyqty áleýmettik qorǵaý salasyndaǵy áleýmettik qyzmetkerler úshin laýazymdyq mindetterin oryndaý kezindegi minez-qulyqtyń kásibı etıkasy boıynsha ádistemelik usynymdardy bekitti. Bul – Qazaqstan tarıhyndaǵy áleýmettik sala mamandarynyń jumysyn retteıtin alǵashqy qujat.

Mınıstrliktiń málimetinshe, ádisteme­lik usynymdar qoǵam tarapynan áleýmet­tik qyzmetkerlerge degen senimdi nyǵaı­týǵa jáne olardyń mártebesin arttyrýǵa, áleý­mettik qyzmetkerler men arnaıy áleýmet­tik qyzmetterdi alýshylar arasyn­daǵy qa­rym-qatynastyń joǵary mádenıetin qalyp­tastyrýǵa, sondaı-aq ádepsiz minez-qulyq jaǵdaılarynyń aldyn alýǵa baǵyttalǵan.

Qujatqa sáıkes áleýmettik ádilet, adal­dyq, gýmanızm, quzyret, úzdiksiz kásibı damý áleý­­mettik qyzmetkerdiń negizgi etıka­lyq qa­ǵı­dalary bolyp tabylady. Son­daı-aq áleý­­mettik qyzmetkerlerge qyzmet alý­shy­lar­men, áriptestermen jáne qoǵam­da ózin qa­laı ustaý kerek ekeni týraly usynystar beriledi.

«Áleýmettik qyzmet kórsetý, halyqpen tike­leı jumys isteý – ádistemelik bilim men daǵdylardy talap etetin eńbek. Adam­­­dar qıyn ómirlik jaǵdaıda olarǵa jú­­gi­­nedi, bul moraldyq turaqtylyq pen ar­­naıy kásibı etıkany qajet etedi. Áleý­­met­tik qyzmetkerlerdiń minez-qulqy qo­ǵam­­nyń senimin nyǵaıtýy kerek. Sapa­syz qyz­met kórsetý men janjaldy jaǵdaı­lar­­dyń aldyn alý úshin kásibı etıka maman daıar­laýdyń ajyramas bóligi bolýy ke­rek. Son­dyqtan Eńbek jáne halyqty áleý­mettik qor­ǵaý mınıstrligi UNICEF-pen birlesip áleý­mettik qyzmetkerlerdiń etı­ka­lyq minez-qul­qynyń ádistemelik usynym­daryn ázirle­di jáne qabyldady», dedi Eń­bek jáne halyqty áleýmettik qorǵaý vıse-mınıstri Erlan Áýkenov.

Búginde Qazaqstannyń áleýmettik qyz­met kórsetý júıesinde 30 myńnan asa adam eńbek etedi, olardyń 11 myńy – áleý­mettik qyzmetkerler.

 

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar