Elordalyq sábılerdiń eń tanymal esimderi

Al qalalyq statıstıka departa­mentiniń derekteri boıynsha Omar, Makar, Ámire, Mıron, Tımofeı, Demıd, Ibragım sııaqty esimder qaıtadan tanymal bola bastaǵan. Jańa týǵan er balalar arasynda kezdesetin erekshe esimder: Inaıat, Ramıs, Dalen, Daler, Adrıel Archı, Azarıı, Arbı. О́mir esigin endi ashqan qyz balalar arasynda eń tanymal Medına (150) esimi bolsa, úzdik bestikke kiretin esimder: Aılın (149), Aıala (114), Aısha (113) jáne Amına (105). Sırek kezdesetin esimder: Alısha, Arýnaz, Safına, Hanıfa, Evelına, Aıshabıbi, Imona, Avrora, Teıa, Iаssaýına.

Nur-Sultan qalasynda 2020 jyl­dyń sońǵy alty aıynda 14 123 bala dú­nıege kelgen. Qalalyq qo­ǵam­­dyq densaýlyq saqtaý bas­qar­ma­sy bas­shysynyń ana men bala den­saý­ly­ǵyn qorǵaý jónindegi oryn­basa­ry­nyń mindetin atqarýshy Tatıana Bı­shoraevanyń aıtýynsha, elordada egiz­der men úshemder sany artqany baıqalady. Jyl basynan beri Nur-Sultan perzenthanalarynda 93 egiz (ótken jyly – 77) jáne úsh úshem (byltyr – 1) dúnıege kelgen. Kún saıyn elordada 60-110 bala ómirge keledi.