Reıdter nátıjesinde jaǵajaı maýsymy bastalǵannan beri Nur-Sultanda 114 adam jaýapkershilikke tartyldy.
«Jaǵajaı maýsymynyń basynan beri 1992 adamdy qamtyǵan 596 reıd uıymdastyrylyp, 114 adam ákimshilik jaýapkershilikke tartyldy. Jumystarǵa 503 memlekettik qyzmetker tartylyp, 12200 býkletter men broshıýralar taratyldy, BAQ-ta 151 materıal jarııalandy, 155 tyıym salý belgileri, 20 aqparattyq stendter jáne 20 qalqyma belgi ornatyldy», - dep habarlady elordanyń tótenshe jaǵdaılar departamenti.
Elordanyń barlyq sý nysandaryn kún saıyn 14 qaıyqpen jabdyqtalǵan 80 tótenshe jaǵdaı qyzmetkerleri kúzetedi. Sondaı-aq patrýldik kólikter qala mańyndaǵy sý joldarynyń janynda ornalasyp, kólikterdiń kirýine tyıym salýdy qamtamasyz etedi.
Shomylatyn jerlerde tártipti qoǵamdyq qutqarýshylar men aýdandyq bólimshelerdiń qyzmetkerleri qadaǵalaıdy. Búginde qoǵamdyq qutqarýshylar qarqyndy jumys jasaýda. Belsendiler reıd júrgizip, sý qaýipsizdigi erejelerin áleýmettik jelide taratýda. Sońǵy úsh jylda olardyń qatysýymen 24 adam qutqaryldy.
