Bilim • 13 Tamyz, 2020

Tamyz keńesinde qashyqtyq formatynda pedagogtardyń biliktiligin arttyrý máselesi talqylandy

433 ret kórsetildi

Jańa oqý jylynyń qarsańynda bilim berý júıesindegi jetistikterdi baǵalaıtyn, daıyndyqty saralaıtyn, ózekti máselelerdiń tıimdi sheshimin birlesip qarastyratyn tamyz keńesi  bıylǵy jyly alǵash ret onlaın formatta ótti, - dep habarlaıdy Egemen.kz.

Bilim jáne ǵylym mınıstrliginiń qoldaýymen  «О́rleý» BAUO» AQ  «Qashyqtyq formatynda pedagogterdiń biliktiligin arttyrý: jaǵdaıy, problemalary, keleshegi» taqyrybynda dástúrli tamyz keńesin uıymdastyryp ótkizdi. Keńeske QR BǴM ókilderi, OBSE ulttyq azshylyq isteri jónindegi Joǵarǵy komıssarynyń bilim berý isteri jónindegi sarapshysy, «О́rleý» BAUO» AQ fılıaldarynyń, Almaty, Astana jáne Shymkent qalalary men oblystyq bilim basqarmalarynyń, qosymsha bilim berý mekemeleriniń basshylary, bilim berý uıymdarynyń dırektorlary men pedagogteri, bilim basqarmalary ádistemelik kabınetteriniń jetekshileri, mektepke deıingi uıymdardyń meńgerýshileri men ádiskerleri, jalpy 1500 adam qatysty.

1

Tamyz keńesiniń plenarlyq bóliminiń moderatory – «О́rleý» BAUO» AQ Tóraǵasy, p.ǵ.d., professor, QR UǴA akademıgi Ahmetova Gúlnaz Kenjetaıqyzy májiliske qatysýshylardy quttyqtap, jańa oqý jylynyń tabysty bolýyna izgi tilegin bildirdi jáne «Qashyqtyqtan oqytý jaǵdaıyndaǵy pedagogterdiń biliktiligin arttyrý júıesi» týraly baıandama jasady. Moderatory óz baıandamasynda zaman aǵymy, ýaqyt talabyna sáıkes «О́rleý» BAUO» AQ qashyqtan oqý jaǵdaıynda muǵalimderge qoldaý kórsetý maqsatynda oryndaǵan aýqymdy jumys nátıjelerine jan-jaqty toqtalyp, damý kórsetkishterin áıgileıtin beıneprezentasııamen tanystyrdy.

2

«О́rleý» BAUO» AQ Qoǵammen baılanys bóliminiń málimetinshe,  baǵdarlamaǵa sáıkes № 153  mekteptiń dırektory, Almaty qalasy,  depýtat, «О́rleý» BAUO» AQ Dırektorlar keńesiniń múshesi Sh.N. Omarov «Qashyqtyqtan oqytý jaǵdaıynda mektepterdi basqarýdyń keıbir erekshelikteri», ShQO bilim basqarmasynyń basshysy S.J. Jumadilova «Oblystaǵy bilim berý júıesin basqarýdyń qashyqtyq formatynyń erekshelikteri», EQYU-nyń Ulttyq azshylyq isteri jónindegi Joǵarǵy komıssarynyń bilim berý isteri jónindegi sarapshysy Atanasııa Stoıanova «Qashyqtan oqý: pedagogtiń yntymaqtastyq jáne kásibı ósýiniń jańa múmkindikteri», Microsoft Qazaqstan TMD elderi men Qazaqstandaǵy bilim sektorymen jumys jónindegi jetekshi, Almas Moldaqanov, Microsoft Qazaqstan TMD elderi men Qazaqstandaǵy bilim sektorymen jumys jónindegi menedjer Nurlan Jánibek «Bilim berý prosesterinde, onyń ishinde qashyqtyqtan oqytýda Microsoft sıfrlyq qosymshalaryn paıdalaný boıynsha muǵalimderdiń sıfrlyq quzyrettilikterin arttyrý jáne sertıfıkattaý» taqyrybyndaǵy baıandamalary tyńdalyp, ádisker muǵalimder ozyq tájirıbelerimen bólisti. Is-shara barysynda qashyqtyqtan oqytý formatyndaǵy bilim berý júıesiniń jumysyn uıymdastyrýǵa qatysty máseleler jan-jaqty talqylandy. Aımaqtyń bilim basqarmasynan jeke mektepke deıingi qashyqtyqtan bilim berý jaǵdaıynda jumysty uıymdastyrýdyń basqarýshylyq sheshimderiniń tájirıbesi usynyldy.

Sonymen qatar plenarlyq otyrysta «О́rleý» BAUO» AQ Youtube portalyndaǵy «О́rleý Bilim kanalynda» ornalastyrylǵan Sıfrlyq resýrstarymen tanystyrýǵa arnalǵan vıdeorolık kórsetildi. Mundaǵy oqý sapasyn arttyrýdy kózdeıtin ádistemelik materıaldardyń barlyǵy muǵalimder úshin jasalǵan. Kanaldaǵy Sıfrlyq resýrstar bilim berý júıesin damytýǵa baǵyttalǵan.

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar