Aımaqtar • 13 Tamyz, 2020

Ury alystan kelmepti

276 ret

kórsetildi

1 mın

oqý úshin

Taıaýda Atbasar aýdandyq polısııa bólimine belgisiz bireýlerdiń «John Deere» jáne «Case» markaly astyq kombaıdarynyń salonyna kirip, toǵyz túrli qural-saımandy urlap ketkeni týraly habar túsken bolatyn, - dep habarlaıdy Egemen.kz

Baıqal BAIÁDIL

Shyǵyn kólemi 480 myń teńge tóńireginde. Egin oraǵyna endi kiriskeli otyrǵanda naǵyz qolbaılaý bolatyn túri bar. Sharýashylyq basshysynyń aıtýyna qaraǵanda, aýyl sharýashylyǵy tehnıkasy eldi mekennen 16 shaqyrym qashyqtyqta bolǵan eken.

Oqıǵa ornyna ýchaskelik polısııa qyzmetkeri jetisimen máseleniń mán-jaıyn anyqtaı bastaǵan. Qylmys oryn alǵan jerden beısaýat avtokóliktiń izderi tabylǵan. Ile polısııa qyzmetkeri 23 jáne 28 jastaǵy jergilikti eki turǵynnyń qylmysqa qatysy bar bolýy múmkin ekendigin anyqtady. Arada kóp ýaqyt ótpeı, aıǵaq zattar da tabyldy. Qazirgi ýaqytta osy oqıǵa boıynsha sotqa deıingi tergeý-tekserý jumystary júrgizilýde. Urlanǵan zattar ıesine qaıtaryldy.

Sharýashylyq basshylary kásibı sheberlik tanytqan polısııa ınspektoryna aq alǵystaryn jaýdyrýda.

Aqmola oblysy