«Bıyl jańa oqý jylynda 196 mektepte 131 900 oqýshy bilim alady. Alaıda, 16 693 oqýshyǵa kompıýter qajettigi anyqtaldy. Osyǵan oraı oqýshylarǵa mektepterdegi 15 246 kompıýter qaıtarymdy kelisimmen taratylyp berildi. Birinshi kezekte kóp balaly otbasylar men az qamtylǵan januıalarǵa qamtyldy. Al, ınternetke qosylýdy qajet etetin 3000 oqýshy úshin mobıldi baılanys operatorlarmen kelisimsóz júrgizilip, jalpyǵa mindetti oqý qorynan qaıtarymsyz negizde 3000 roýter satyp alynýda. Sondaı-aq, 355 muǵalimge kompıýter tehnıkasy qajet. Olarǵa mektep kompıýterleri beriledi. Muǵalimderdiń mektepke kelip, jumys isteýine múmkindik jasalady», dedi oblys ákimi Mahambet Dosmuhambetov.
Ákimniń málim etýinshe, 1611 noýtbýk satyp alýǵa jergilikti bıýdjetten 282 mln teńge bólinipti. Sonymen birge, respýblıkalyq bıýdjetten qaralǵan qarjynyń 250 mln teńgesine 1389 noýtbýk satyp alý josparlanypty. Munyń bári tamyzdyń sońyna deıin satyp alynǵaly otyr.
