Ekonomıka • 13 Tamyz, 2020

«Bıznestiń jol kartasy» baǵdarlamasyna qujat qabyldaý merzimi uzartyldy

20 ret kórsetildi

Qatysý úshin uir-astana.kz veb-saıtyna qujattarmen qosa ótinim berý kerek, - dep habarlaıdy Egemen.kz ákimdiktiń resmı saıtyna silteme jasap.

«Bıznestiń jol kartasy-2025» baǵdarlamasy aıasynda memlekettik granttardy usyný baǵdarlamasyna qyzyǵýshylyqtyń artýyna baılanysty qujattardy qabyldaý merzimin 21 tamyzǵa deıin uzartýǵa sheshim qabyldandy. Bul týraly Nur-Sultan qalasynyń ınvestısııalar jáne kásipkerlikti damytý basqarmasynan habarlady.

Buryn habarlanǵandaı, «Bıznestiń jol kartasy – 2020» baǵdarlamasy boıynsha óz isin ashýǵa memlekettik granttar bólý konkýrsyna shaǵyn kásipkerlik sýbektileri, sonyń ishinde kásibin jańa bastaýshylar men jas kásipkerler, áıelder, múmkindigi shekteýli jandar men 50 jastan asqan adamdar qatysa alady.
Eki mıllıonnan bes mıllıon teńgege deıingi qarajat qaıtarymsyz beriledi.

Baǵdarlama sharttaryna sáıkes keletin árbir kásipker bir bıznes-joba boıynsha jańa bıznes-ıdeıalardy iske asyrý úshin memlekettik grant berý maqsatyndaǵy konkýrstyq irikteýge qatysýshy bola alady.

Beriletin memlekettik grant kóleminiń keminde 10 %-y mólsherinde ony iske asyrýǵa arnalǵan shyǵystardy kásipkerdiń, onyń ishinde bıznes-jobaǵa qatysatyn jyljymaly jáne/nemese jyljymaıtyn múlikpen birlese qarjylandyrýy (aqshalaı qarajatpen) mindetti sharttardyń biri bolyp tabylady. Bul talap halyqtyń áleýmettik jaǵynan osal toptary úshin mindetti emes.

Taǵy bir shart – jańa jumys oryndaryn qurý. Kásipkerdiń bıznes-jobasynda ınfraqurylymnyń bolýy jáne/nemese jobany iske asyrý úshin jetkilikti ınfraqurylym qurý kózdelgen ınvestısııalyq jospardyń bolýy jańa bıznes-ıdeıalardy iske asyrýǵa arnalǵan bıznes-jobanyń mindetti sharttary bolyp tabylady.

Kásipkerler jańa bıznes-ıdeıalardy iske asyrýǵa arnalǵan memlekettik grant qarajatyn mynadaı maqsattarǵa paıdalanady: taýarlardy shyǵarýǵa nemese qyzmetterdi kórsetýge qajetti negizgi quraldardy, shıkizatty jáne materıaldy satyp alý; materıaldyq emes aktıvterdi satyp alý; tehnologııalardy satyp alý; keshendi kásipkerlik lısenzııaǵa (franchaızıng) quqyqtardy satyp alý; zertteý jumystarymen jáne/nemese jańa tehnologııalardy engizýmen baılanysty shyǵystar.

Jańa bıznes-ıdeıalardy iske asyrýǵa arnalǵan memlekettik grant qarajatyn jyljymaıtyn múlikti jáne/nemese jer ýchaskesin satyp alýǵa, jaldaý aqysy retinde, úlestes/baılanysqan kompanııalardan/tulǵalardan negizgi quraldardy/aktıvterdi satyp alýǵa (kórsetiletin qyzmetterdi alýǵa/jumystardy oryndaýǵa), buryn qoldanysta bolǵan negizgi quraldardy (jabdyqtardy) satyp alýǵa paıdalanýǵa bolmaıdy.

«Kásipkerdiń jańa bıznes-ıdeıalardy iske asyrýǵa arnalǵan memlekettik grant qarajatyn ıgerýi jeke tulǵadan avtokólikti satyp alý jaǵdaılaryn qospaǵanda, kásipkerlik sýbektisi retinde tirkelgen kontragent shotyna qolma-qol jasalmaıtyn tólem arqyly júzege asyrylady», – dedi ınvestısııalar jáne kásipkerlikti damytý basqarmasynda.

Mynadaı:

1) qaıta uıymdastyrý, taratý nemese bankrottyq satysyndaǵy, sondaı-aq qyzmeti Qazaqstan Respýblıkasynyń qoldanystaǵy zańnamasyna sáıkes toqtatyla turǵan;

2) salyqtar men memlekettik bıýdjetke basqa da mindetti tólemder boıynsha bereshegi bar;

3) qyzmetiniń negizgi túri jyljymaıtyn múlikti jalǵa berý bolyp tabylatyn;

4) memlekettik grantty alýǵa ótinim bergen kezde beriletin memlekettik grant kóleminiń keminde 10 %-y mólsherinde bıznes-jobany iske asyrýǵa arnalǵan shyǵystardy birlesip qarjylandyrýdy (aqshalaı qarajatpen, bıznes-jobaǵa qatystyrylǵan jyljymaly/jyljymaıtyn múlikpen) rastamaǵan (halyqtyń áleýmettik jaǵynan osal toptaryn qospaǵanda) kásipkerlerge granttar berilmeıdi.

О́tinimderdi qabyldaý bastalǵany týraly habarlandyrý, sondaı-aq sharttar men qujattar tizimi Nur-Sultan qalalyq ákimdiginiń astana.gov.kz resmı saıtynda, «Bıznes jáne kásipkerlik» jańalyqtar bóliminde jarııalanady.

Konkýrsqa qatysý úshin uir-astana.kz saıtyna ótinimdi kelesi qujattarmen qosa berý kerek:

1) ótinish berýshiniń jeke basyn kýálandyratyn qujattyń kóshirmesi;

2) Memlekettik granttar berý qaǵıdalaryna sáıkes nysan boıynsha memlekettik granttar berý boıynsha konkýrstyq irikteýge qatysýǵa arnalǵan ótinim, ol Nur-Sultan qalasy ákimdiginiń astana.gov.kz veb-portalyna ornalastyrylady;

3) zańdy tulǵany memlekettik tirkeý týraly kýáliktiń kóshirmesi/jeke kásipkerdi tirkeý týraly habarlama;

4) júgingen kúnge deıin kúntizbelik 30 (otyz) kúnnen keshiktirilmeı berilgen bıýdjetke tólenetin mindetti tólemder boıynsha beresheginiń joq ekeni týraly anyqtama;

5) ótinim berilgen kezdegi jaldamaly jumyskerlerdiń ortasha sany týraly basshynyń qolymen jáne ótinish berýshiniń mórimen (bolǵan kezde) rastalǵan anyqtama;

6) osy Memlekettik granttar berý qaǵıdalaryna 3-qosymshaǵa sáıkes nysan boıynsha bıznes-jospar túrinde daıyndalǵan bıznes-joba;

7) eskirý merzimi 2 (eki) jyldan aspaıtyn, Baǵdarlamanyń jáne (nemese) Qazaqstan Respýblıkasy Úkimetiniń 2018 jylǵy 13 qarasha № 746 qaýlysymen bekitilgen Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» baǵdarlamasynyń sheńberinde kásipkerdiń oqýdan ótkenin rastaıtyn qujattyń kóshirmesi;

8) kásipkerdiń atynan ótinim berý quqyǵyna senimhat, senim bildirilgen adam pasportynyń kóshirmesi (zańdy tulǵanyń atynan – zańdy tulǵa kýálandyrǵan);

9) beriletin memlekettik grant kóleminiń keminde 10 %-y mólsherinde bıznes-jobany iske asyrýǵa arnalǵan shyǵystardy birlesip qarjylandyrýdy (aqshalaı qarajatpen, bıznes-jobaǵa qatystyrylǵan jyljymaly/jyljymaıtyn múlikpen) rastaıtyn qujattar, kásipkerdiń aǵymdaǵy shotynda aqsha qarajatynyń bar ekeni týraly bank shotynan úzindi kóshirme nemese bıznes-jobaǵa qatysatyn jyljymaly jáne/nemese jyljymaıtyn múliktiń baǵalaý qunyn rastaıtyn qujattar (halyqtyń áleýmettik jaǵynan osal toptaryn qospaǵanda);

10) ótinish berýshide halyqtyń áleýmettik osal toptaryna jatqyzý mártebesiniń bolýyn rastaıtyn qujat.
Konkýrsqa qatysýǵa ótinimderdi qabyldaý orny: uir-astana.kz saıty.
Anyqtama telefondary: 55-69-10, 55-69-19, 55-69-21, 55-69-03.

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar