Kóliktegi polısııa departamentiniń Atyraý stansııasyndaǵy jelilik polısııa bóliminiń qyzmetkerleri "VKontakte" áleýmettik jelisine monıtorıng júrgizý kezinde Atyraý oblysynyń 25 jastaǵy A. esimdi turǵynynan "áleýmettik jelide tyıym salynǵan dinı mazmundaǵy aýdıojazbany saqtaý" faktisin anyqtady.
Bul týraly Kóliktegi polısııa departamenti bastyǵynyń orynbasary Saryqul Jolanov málimdedi.
– Dintaný saraptamasynyń qorytyndysy boıynsha aýdıo jazbalardyń Qazaqstan Respýblıkasynyń aýmaǵynda tyıym salynǵany anyqtaldy, – deıdi S.Jolanov.
Atyraý qalasynyń mamandyrylǵan ákimshilik sotynyń sheshimimen atalǵan azamat QR ÁQBtK-niń 453-baby 2-bóligi boıynsha ákimshilik jaýapkershilikke tartylyp, oǵan 20 AEK mólsherinde 55 560 teńge kóleminde ákimshilik aıyppul salyndy.
