Koronavırýs • 13 Tamyz, 2020

Aqmola oblysynda "Qaıyrymdylyq vırýsy" marafony jalǵasýda

161 ret

kórsetildi

1 mın

oqý úshin

Aqmola oblysynda "Qaıyrymdylyq vırýsy" marafony jaqsy jalǵasyn tabýda. Júrek jylytar, ımandy shara barysynda aýdandyq aýrýhanalar buǵan deıin qoly jetpeı, ábden sýsap otyrǵan ottegi konsentrattarymen qamtamasyz etilýde, - dep habarlaıdy Egemen.kz.

Baıqal BAIÁDIL

Aqmola oblysynda "Qaıyrymdylyq vırýsy" marafony jalǵasýda

Igi iske "Atameken" ulttyq kásipkerler palatasy uıytqy bolyp otyr. Kúni búginge deıin ottegi konsentrattarynyń 35 qoraby jetkizildi. Qasqaldaqtyń qanyndaı tapshy medısınalyq qurylǵylardy tartý etý aksııasy áli de jalǵasýda. Jaman tumaýdy juqtyrǵan naýqastarǵa asa qajetti qurylǵylardy "Aıdyń nury" jekemenshik qaıyrymdylyq qory men "BI Group" kompanııasy jetkizgen.

- "Meniń Atamekenim" qoǵamdyq birlestigi osy konsentrattardy jetkizýge jaýapty bolatyn. Taıaýda jıyrmadan astam ottegi konsentrattary ákelindi. Olardy da shalǵaıdaǵy aýdandyq aýrýhanalarǵa qajettiligine oraı jóneltip jatyrmyz", - deıdi palata dırektorynyń orynbasary Erqanat Musylmanbek.

Buǵan deıin Bulandy, Arshaly, Egindikól, Jaqsy aýdandarynyń aýrýhanalaryna qaıyrymdylyq qory 19 apparat jetkizip beripti. Shortandy, Sandyqtaý, Birjan sal aýdandaryndaǵy aýrýhanalar sharapaty mol shara barysynda qoldaryna tıgen konsentratorlardyń kómegimen jaman tumaýdyń tyrnaǵyna ilikken jandardy emdeýde.

Aqmola oblysy