"1985 jyly týǵan, 35 jastaǵy S.azamatsha buryn qylmystyq jaýapkershilikke tartylǵan, ańqaý qala turǵyndaryna qarsy alaıaqtyq jasaǵan. Aǵymdaǵy jyldyń shilde aıynyń ortasynda ol Abaı dańǵylymen Saın kóshesiniń qıylysynda turyp, sengish azamattarǵa jaqyndap, jumys qajet pa degen suraqtaryn qoıǵan. Áıel karantındi, keıbir azamattardyń qazir jumystan bosatylǵanyn jáne ýaqytsha jumys izdeýi múmkin degen faktordy paıdalandy. S.azamatsha – jaqsy psıholog, ol zardap shekkendermen tez arada sóılesip, olarǵa tartymdy jalaqysy bar munaı kompanııasyna jumysqa ornalasýǵa kómek bere alatyndyǵyna sendirdi. Qyzmetteri úshin azamattardan syıaqy aldy, biraq keıinnen – aqsha da, jumys ta joq. Qazirgi ýaqytta bizdiń bólimge eki adam osy epızodtar boıynsha júgindi", – deıdi Áýezov aýdandyq Polısııa basqarmasynyń bastyǵy Álisher Tursynbetov.
Sonymen qatar, polısııa kúdiktiniń qalanyń aýmaǵynda jáne basqa aýdandarynda zańsyz áreketter jasaǵan bolýy múmkin ekenin joqqa shyǵarmaıdy. Osyǵan baılanysty azamattarǵa júginedi. Aldaýdyń basqa epızodtary týyndaǵan jaǵdaıda polısııaǵa myna nómirler boıynsha habarlasýlaryńyzdy suraımyz: 8-701-852-60-94, 8-707-515-47-35.
