Qostanaı oblysyndaǵy Qalam-Qarasý aýylynyń ákimi áıel uryp, onyń isi sotta qaraldy. Bul týraly Nur.kz habarlady.
Janna Erekına aýyl ákimdigi ǵımaraty aldynda qulap jatqan bılbordty sýretke túsiredi. Dál osy sátte aýyl ákimi Qanatbaı Turmaǵambetov Jannany kabınetine shaqyryp alyp, «álgi qulaǵan bılbordty gazetke bergiń keldi me?» dep suraqtyń astyna alǵan eken. Odan keıingi oqıǵa ákimshilik iste bylaı jazylǵan: «Aýyl ákimi áıeldi tunshyqtyryp, keýde tusynan birneshe ret uryp, túkirip jibergen». Al sarapshylar jasaǵan qorytyndyda áıeldiń mıy shaıqalǵany, ártúrli dene jaraqatyn alǵany jazylypty.
Jábirlenýshi J. Erekına kýágerlerdiń bastapqy pikirinen aınyp qalǵanyn aıtady. Onyń ústine Jangeldın aýdandyq soty aýyl ákimine qatysty isti qysqartyp jibergen.Arada kóp uzamaı J. Erekına oblystyq sotqa shaǵym túsirdi. Isti qaraǵan sýdıa aýyl ákimin kináli dep taýyp, aıyppul saldy.
Baqytbek Keneshuly.
