«Boeing-747» ushaǵymen Avstralııadan Qazaqstanǵa jetkizilýi tıis bolǵan asyl tuqymdy iri qara maldyń ishinen 48 bas sıyr ushaqta ólip qaldy. Bul týraly Tengrinews.kz habarlady.
Derekkózdiń habarlaýynsha, veterınarlar sıyrlardyń ólip qalǵanyn ushaq qonǵan kezde ǵana baıqaǵan.
«Basynda muny áldebir vırýstyń taralýynan dep oıladyq. Alaıda, Aýyl sharýashylyǵy mınıstrligi veterınarlyq qyzmetiniń sheshimi boıynsha, maldyń qyrylýyna ushaqtaǵy aýa temperatýrasynyń sáıkessizdigi sebep bolǵan. Qazir qajetti sharalar qabyldandy, shyǵyndy qazaqstandyq tarap emes, tasymaldaýshy kompanııa óteıtin boldy», – dep málimdedi «QazAgro» AQ ókili.
Sonymen qatar, sıyrlarǵa jol boıy sý men jem-shóp berilmegeni anyqtaldy.
Almaty Memlekettik veterınarlyq ınspektorynyń orynbasary Seıithan Teltaev ushaqqa 321 bas iri qara tıelgenin, endi osylardyń laboratorııalyq tekserýden ótkiziletinin málimdedi.
Aıdar О́risbaev.
