Aımaqtar • 13 Tamyz, 2020

Lısakovta "Desht Tho" onlaın-festıvali ótti

13 ret kórsetildi

Týr Heıerdal atyndaǵy úshinshi "Desht Thor" halyqaralyq festıvali alǵash ret offlaın jáne desht-thor.webtraining.education saıty arqyly onlaın túrde ótti,  dep habarlaıdy Egemen.kz

"Sharaǵa belgili tarıhshy, arheolog, qolónershi, dızaıner mamandar qatysty. Basty taqyryp – Uly dala tósindegi ejelgi tehnologııalar men mádenı kommýnıkasııalar. Eki kúnge sozylǵan tarıhı-tanymdyq shara barysynda ejelgi órkenıettegi zergerlik, toqyma, kıiz basý, temir ıleý sııaqty óner túrleriniń erekshelikteri zerdelendi.

Eýrazııa dalasynyń kóne mádenıetin zertteý nátıjeleri Qazaqstannyń álem órkenıetiniń ilgerileýine negiz bolǵan kóptegen tarıhı úderister men qubylystardyń ortalyǵy bolǵanyn dáleldep otyr. Al Qostanaı oblysy óziniń georgrafııalyq ornalasýy jaǵynan álem halyqtarynyń uly qonys aýdarý jolynyń qaq ótinde jatyr. Sondyqtan Qostanaı topyraǵy shyǵys pen batys, ońtústik pen soltústik halyqtarynyń mádenıetine ortaq kóne arheologııalyq jádigerlerge baı. Qostanaı oblysynda andronov mádenıetiniń eskertkishteri kóp kezdesedi.

Olardyń ishinde Bestamaq, Lısakov, Alekseev, Qamysty sııaqty álemdik ǵylymda belgili bolǵan eskertkishter bar. Ejelgi tehnologııalar jáne mádenı kommýnıkasııalar festıvali bizdiń oblysymyz úshin ǵana emes, búkil elimiz úshin úlken oqıǵa. Festıval aıasynda bıyl tuńǵysh ret osy aımaqty mekendegen kóne turǵyndardyń materıaldyq qundylyqtaryn jańǵyrtý, ejelgi tehnologııalar men mádenı kommýnıkasııalardy zerdeleýge múmkindik týyp otyr", dedi mádenıet basqarmasynyń basshysy Erlan Qalmaqov.

 

Sońǵy jańalyqtar

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar