Bilim • 13 Tamyz, 2020

Pedogog qyzmetkerlerdiń kezekti "Tamyz keńesiniń" onlaın otyrysy ótti

69 ret kórsetildi

Pedagog qyzmetkerlerdiń respýblıkalyq "Tamyz keńesi" aıasynda "Bilim jáne densaýlyq: dene shynyqtyrý jáne sport áleýeti" taqyrybyndaǵy seksııasynyń onlaın otyrysy ótti, dep habarlaıdy Egemen.kz

Qazaqstan Respýblıkasy Premer-Mınıstriniń orynbasary Toǵjanov Eraly Luqpanuly arnaıy tamyz keńesiniń seksııalyq otyrysyna qatysyp, ustazdardy jańa oqý jylymen quttyqtady jáne aldaǵy mańyzdy jumystaryna sáttilik tiledi.

Qazaqstan Respýblıkasy Mádenıet jáne sport mınıstrligi Sport jáne dene shynyqtyrý komıtetiniń tóraǵasy Jarasbaev Serik Maratuly, Qazaqstan Ulttyq stýdenttik sport odaǵynyń prezıdenti, Qazaqstan Respýblıkasynyń Eńbek sińirgen qaıratkeri Zakırıanov Qaırat Qaırollauly, Qazaqstan Respýblıkasy Ulttyq Olımpıadalyq komıteti Prezıdentiniń keńesshisi Ordabaev Baqytjan Qutymuly jáne Sport dıreksııasynyń dırektory Qanaǵatov Elsııar Baımuhameduly ustazdardy aldaǵy oqý jylynda tabysty eńbek etýge shaqyryp, mańyzdy jumystaryna sáttilik tiledi.

2019 jyly Almaty qalasyndaǵy IýNESKO Klasterlik Bıýrosy sportty damytý jáne ilgeriletý úshin Qazaqstan Respýblıkasynyń Ulttyq Olımpıada komıtetimen yntymaqtastyq týraly Memorandýmǵa qol qoıylǵan. Elimizdiń jetekshi sport ınstıtýtymen kelisim negizinde IýNESKO-nyń sport salasyndaǵy baǵdarlamalary jóninde "IýNESKO" Klassterlik bıýrosy dırektorynyń mindetin atqarýshy Meıirgúl Alpysbaeva baıandady.

"Densaýlyqty nyǵaıtýǵa yqpal etetin mektepter" jobasy sheńberinde respýblıkanyń 700-den astam mektebi oqýshylardyń densaýlyǵyn saqtaý jáne nyǵaıtý; minez-qulyq qaýip faktorlarynyń aldyn alý jáne balalardy salaýatty ómir saltyna yntalandyrý boıynsha is-sharalar ótkizedi. Osy rette, Dúnıejúzilik densaýlyq saqtaý uıymynyń Qazaqstandaǵy ókili doktor Kerolaın Klarınval atqarylǵan jumystar jaıly aıtty.

Balalardyń qozǵalys belsendiliginiń shektelýi men oqshaýlaný jaǵdaıynda aqparattyq aǵynynyń artýy densaýlyqqa da, olardyń psıhoemosıonaldy jaı-kúıine de teris áserin tıgizedi. Pandemııadan keıin Jańasha ómir súrýdi úırenýge týra keledi, ıaǵnı sport pen dene shynyqtyrý ómirlik daǵdylar men basty qundylyqtardy qalyptastyrýdyń, qıyn jaǵdaılarǵa tózimdilikti arttyrýdyń quraly retinde qıyndyqtardy jeńýdiń úlgisi bolýy kerek. "IýNESKO" Klasterlik bıýrosynyń Áleýmettik jáne gýmanıtarlyq ǵylymdar sektorynyń jetekshisi Mıasoed Arına atalmysh taqyryp týraly oılaryn ortaǵa saldy.

Elimizdegi aktýaldy máseleniń biri - qazirgi zamanǵy tehnologııalardyń damýyna baılanysty jasóspirimder men balalardyń dene belsendiliginiń tómendegeni. Osyǵan oraı, "Utqyrlyq jáne fızıkalyq belsendilik balalar arasynda semizdik pen artyq dene salmaǵynyń tómendeýiniń faktory retinde. Eýropa elderiniń ozyq tájirıbeleri" taqyrybynda Dúnıejúzilik densaýlyq saqtaý uıymynyń "Densaýlyqty nyǵaıtýǵa yqpal etetin mektepter" jobasynyń ulttyq úılestirýshisi, Qazaqstan Respýblıkasy Densaýlyq saqtaý mınıstrliginiń Qoǵamdyq densaýlyq saqtaý ulttyq ortalyǵynyń qyzmetkeri Aqbota Ábdildına baıandama jasady.

Pedagogıka ǵylymdarynyń doktory, professor, Ýkraına Ǵylym Akademııasynyń tolyq múshesi, Ýkraınanyń ǵylym men tehnıkanyń eńbek sińirgen qaıratkeri, Ýkraına Ulttyq Olımpıada komıtetiniń Vıse-prezıdenti, Ýkraına Olımpıada akademııasynyń prezıdenti, Býlatova Marııa Mıhaılovna Býlatova Marııa Mıhaılovna "Jalpy bilim beretin mekteptegi Olımpızm" taqyrybynda tájirıbesimen bólisti.

Sońǵy jyldary bilim salasy tyń jańalyqtarǵa toly. Solardyń biri – jańartylǵan bilim berý mazmuny. Osy másele boıynsha Y.Altynsarın atyndaǵy Ulttyq bilim akademııasynyń aǵa ǵylymı qyzmetkeri Kóptileýova Sánzııa Qantóreqyzyna sóz berildi.

4-toqsandaǵy muǵalimderdiń qashyqtan oqytý tájirıbesin zertteý nátıjesinde "Ulttyq ǵylymı-praktıkalyq dene tárbıesi ortalyǵynyń" mamandary ázirlegen "Dene shynyqtyrý" páninen qashyqtyqtan oqytýdy uıymdastyrý boıynsha ádistemelik usynymdardy" Ortalyqtyń zerthana jetekshisi, pedagogıka ǵylymdarynyń kandıdaty Tuıaqbaeva Merýert Shekeıqyzy tanystyrdy.

Nur-Sultan qalasy, №64 mektep-lıseıiniń dene shynyqtyrý pániniń aǵa oqytýshysy Ormanbekova Lázzat Sansyzbaıqyzy qashyqtan oqytý boıynsha óz tájirıbesimen bólisti.

Sonymen qatar, qashyqtyqtan oqytýdy uıymdastyrý boıynsha beınerolık kórsetildi. Onlaın konferensııanyń qorytyndy otyrysy erteń, 14 tamyz saǵat 11:00-de Zoom platformasynda jalǵasady.

 

 

Sońǵy jańalyqtar

Qarýly Kúshterdiń spartakıadasy ótti

Aımaqtar • Búgin, 15:17

Aqtaýdaǵy "Masat" bazarynda órt shyqty

Aımaqtar • Búgin, 14:00

Tarıhı nysandar jańǵyrtylýda

Qazaqstan • Búgin, 13:05

"Balapan" telearnasyna - 10 jyl

Qazaqstan • Búgin, 11:00

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Uqsas jańalyqtar