Qoǵam • 13 Tamyz, 2020

23 myń almatylyq jumysqa ornalasty

51 ret kórsetildi

Jyl basynan beri "Eńbek" baǵdarlamasy boıynsha 23 myńǵa jýyq almatylyq jumysqa ornalasqan, dep habarlaıdy Egemen.kz

Sondaı-aq 720 almatylyq jyl basynan beri tólenetin jastar praktıkasyna jiberilgen.

Almaty qalasynyń ákimi Baqytjan Saǵyntaev halyqty jumyspen qamtý, atap aıtqanda jastardy jumysqa ornalastyrý máselelerin sheshýge erekshe kóńil bólýde. Osy maqsatta Almatyda halyqty jumyspen qamtý ortalyǵy jumys isteıdi. Sondaı-aq qalanyń 6 aýdanynda Jastar resýrstyq ortalyqtary jumys jasap jatyr.

Jalpy, jyl basynan beri Almatyda "Eńbek" memlekettik baǵdarlamasy boıynsha 22 995 adam turaqty jumys oryndaryna ornalastyryldy. Onyń ishinde ýaqytsha jumys oryndaryna-13 691 adam, áleýmettik jumys oryndaryna - 1 087 adam, qoǵamdyq jumystarǵa - 11 276 adam, jastar tájirıbesine - 720 adam jumyspen qamtamasyz etildi.

Sonymen qatar, búgingi tańda Almaty qalasynda 15 599 bos jumys ornyna 11 060 habarlandyrý bar. Bos oryndar boıynsha aqparatty eńbek bırjasynyń www.enbek.kz. elektrondy portalynan alýǵa bolady.

 

Jastar praktıkasy

Bul ortalyqtar - nátıjeli jumyspen qamtýdy jáne jappaı kásipkerlikti damytýdyń "Eńbek" Memlekettik baǵdarlamasy sheńberinde aqysy tólenetin jastar praktıkasyna tartýǵa járdem kórsetedi. 

Halyqty jumyspen qamtý ortalyǵynyń málimetinshe, búgingi tańda jastar praktıkasyna 2020 jyldyń basynan 720 adam jiberilgen.

Atap ótkenimizdeı, resýrstyq ortalyqtyń biri Jetisý aýdanynda ornalasqan. Almaty qalasy, Jetisý aýdany ákiminiń orynbasary Baýyrjan Birbaevtyń aıtýynsha, oqýyn endi bitirgen jas maman úshin jastar praktıkasynan ótý-bul tájirıbe alýdyń tamasha múmkindigi. 

"Jastar úshin eń paıdalysy - olar 6 aı ishinde óz mamandyǵy boıynsha jaqsy tájirıbe alady. Eger ol óziniń qabiletin, bilimin jaqsy kórsete alsa, bolashaqta oǵan sol jerde qalý usynysy túsýi múmkin", - dedi Baýyrjan Birbaev.

Aıta ketý kerek, jastar praktıkasyna sońǵy úsh jyl ishinde oqýdy aıaqtaǵan, dıplomy bar, 29 jasqa deıingi tulǵalar qatysa alady. 

"Jastar praktıkasy negizinen sońǵy úsh jyl ishinde oqýyn aıaqtaǵan, dıplomy bar, túrli maman ıelerine arnalǵan. Jalaqy 69 myń teńgeni quraıdy. Tıisti aýdarymdardy esepke alǵanda, 50 myńnan astam teńge alady", - dedi Baýyrjan Birbaev. 

Jastar praktıkasyna qatysý úshin aldymen jumys izdeýshi retinde tirkelý qajet. Mundaı tirkeýdi turǵylyqty jeri boıynsha halyqty jumyspen qamtý ortalyǵynan nemese Egov portaly arqyly onlaın rejıminde alýǵa bolady.

 "Jastar praktıkasyna orta eseppen 5 adam keledi. Jumyspen qamtý jáne keńes berý prosesi, barlyq qujat túgel bolǵan jaǵdaıda 10-20 mınýt ýaqytty alady. Jastar praktıkasyna qatysý úshin jeke kýálik, dıplomnyń kóshirmesi, bankten shot jáne qujat tigetin papka qajet", - dedi Jumyspen qamtý ortalyǵynyń jumys izdeýshilerdi qoldaý bóliminiń mamany Aıdana Bashın. 

Qala turǵyndaryna yńǵaıly bolý úshin jumyspen qamtý ortalyǵynyń mamandary 6 aýdanda turǵyndardy qabyldaıdy:

- Naýryzbaı aýdanynyń turǵyndary úshin-Naýryzbaı aýdany ákimi apparatynyń ǵımaratynda, "Shuǵyla" yqshamaýdany, 347 úı, 2 qabat, 212 kabınet;

- Áýezov aýdanynyń turǵyndary úshin - Áýezov aýdany ákimi apparatynyń ǵımaratynda, Altynsarın dańǵyly, 23, 1 qabat, 103 kabınet;

- Alataý aýdanynyń turǵyndary úshin- "Almaty Arena" ǵımaratynda, "Nurkent" yqshamaýdany, 24 blok, "Qolday kásipkerlik ortalyǵy";

- Bostandyq aýdanynyń turǵyndary úshin-Bostandyq aýdany ákimi apparatynyń ǵımaratynda, Aımanov kóshesi, 191, 2 qabat, 216 kabınet;

- Jetisý aýdanynyń turǵyndary úshin-Jetisý aýdanynyń HQKO, "Qulager" shaǵyn aýdany, Serikov kóshesi, 6 a;

- Túrksib aýdanynyń turǵyndary úshin - Túrkisib aýdany ákimi apparatynyń ǵımaratynda, Sholohov kóshesi 9, 1 qabat, 108 kabınet; 

"Kolledjdi bitire salysymen maǵan jumyspen qamtý ortalyǵynan habarlasyp, jastar praktıkasyna shaqyrdy. Men "týrıstik agent" mamandyǵy boıynsha jumys istep, týrızmdi damytqym keledi. Buryn basqa jumystar istep kórgenmin, alaıda mamandyǵym boıynsha istemedim. Mundaı resýrstyq ortalyqtardyń bar bolǵany jastarǵa jaqsy. Sebebi, endi oqýdy bitirgen jas mamanǵa jumys izdeý, tabý qıynǵa soǵady",-dedi Halyqaralyq qazaq-qytaı til kolledjiniń túlegi Altyndana Asanova.

 

Qoǵamdyq jumystar

Jastar praktıkasynan basqa, halyqtyń qoǵamdyq jumystarǵa degen úlken suranysy artty.

"Qala turǵyndary munda jumys izdep arnaıy keledi. Biz áleýmettik jeliler, túrli aqparattyq resýrstar, Jetisý aýdany ákimi apparatynyń resýrstary arqyly habardar etip otyramyz", - dedi Baýyrjan Birbaev. 

Qoǵamdyq jumystar qyzmetkerdiń aldyn ala kásibı daıarlyǵyn talap etpeıdi jáne ol áleýmettik baǵytta paıdaly bolyp tabylady. Qoǵamdyq jumystardyń uzaqtyǵy 12 aıdan aspaıdy. Jalaqy mólsheri 2 AEK (salyqtar men áleýmettik aýdarymdardy esepke alǵanda 85 000 teńge) quraıdy. Bul baǵdarlamaǵa 16 jastan bastap, zeınetkerlik jasqa deıingi adamdar qatysa alady. 

"Biz munda ákemmen keldik. Zeınetke shyqqanǵa deıin áli ýaqyt bar, al ol jumyssyz. Biz egov-ta jıi otyramyz, ákem jumyssyz retinde tirkelgen. Bizdi jumyspen qamtý ortalyǵy osynda shaqyrdy. Qandaı qujattar qajet ekenin aıtty. Meniń ákem birinshi dárejeli júrgizýshi tájirıbesi bar. Ol avtobýs parkine júrgizýshi bolyp ornalasýdy qalaıdy. Biz óz betimizshe jumys tabýǵa tyrystyq, biraq bári beker", - dedi qala turǵyny Stanıslav.

Sońǵy jańalyqtar

Muraǵattar muń shaǵady

Ádebıet • Búgin, 19:50

Qarýly Kúshterdiń spartakıadasy ótti

Aımaqtar • Búgin, 15:17

Aqtaýdaǵy "Masat" bazarynda órt shyqty

Aımaqtar • Búgin, 14:00

Tarıhı nysandar jańǵyrtylýda

Qazaqstan • Búgin, 13:05

"Balapan" telearnasyna - 10 jyl

Qazaqstan • Búgin, 11:00

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Uqsas jańalyqtar