Bilim • 13 Tamyz, 2020

Oqý jylyna daıyndyq máselesi pysyqtaldy

4448 ret kórsetildi

Bıylǵy oqý jylynda Soltústik Qazaqstan oblysynda 75 myńnan artyq oqýshy 477 mektepke barady, dep habarlaıdy Egemen.kz

Bir qýanyshtysy sol, oqýshylar sany byltyrǵydan artyq. Byltyr 8,5 myń búldirshin mektep tabaldyryǵyn attasa bıyl olardyń sany 9 myńǵa jýyq.

Jýyrda oblys ákimi Qumar Aqsaqalov jarty aıdaı ǵana merzim qalǵan jańa oqý jyly aldyndaǵy daıyndyq týraly jýrnalısterdiń aldynda brıfıng berdi.

"Mektepterde kúrdeli jóndeý jumystary jalǵasýda. О́tken jyly 142 mektep jańarsa, bıyl 107 bilim ordasy jóndelýde. Osylaısha, eki jyl ishinde biz óńir mektepteriniń jartysyn jańartamyz", dedi ákim.

Sonymen birge bıylǵy oqý jylynda úsh jańa mektep paıdalanýǵa beriletindigi aıtyldy. Sonyń ishinde Qyzyljardyń "Jas órken" yqsham aýdanyndaǵy 900 oryndyq qazaq mektebi bar. Sondaı-aq qala irgesindegi Beskól aýylynda da 300 oryndyq jańa mektep ashylady. О́ziniń sózinde Qumar Irgebaıuly barlyq mektepterdiń beınebaqylaýmen qamtamasyz etilgenin aıtty. Sonymen qatar olardyń kólik parki de jańalanǵan, bıyl olarǵa 43 avtobýs berilgen. 231 mektepke jıhaz jáne 324 mektepke sport quraldary alynypty.

Sońǵy úsh jylda 1600 dana kompıýter satyp alynǵan. Karantın kezinde únemdeý esebinen turmysy tómen otbasylardyń balalaryna 580 kompıýter alynyp, taratylǵan. Jańa oqý jylynda mektepterge alynatyn tehnıkalyq quraldardyń quny sońǵy 10 jyldaǵy kompıýterlerdiń baǵasyna jýyq.

Oqý prosesiniń qalaı júrgiziletinin aıtqanda ákim aýyldardaǵy 318 shaǵyn jınaqty mektepte oqý shtattyq rejimde ótetinin atap ótti.

"Bir synypta 15 baladan aspaýy qatty qadaǵalanady. Artyq bolsa eki aýysymda oqıdy. Qashyqtyqtan oqytatyn mektepterdegi bastaýysh synyptarda ata-analardyń ótinishi boıynsha 2 myń kezekshi top ashylady. Munda da bir synypta 15 baladan ǵana oqıtyn bolady", dedi ol.

Árıne, jyldaǵydaı barlyq oqýshylar tegin oqýlyqtarmen qamtamasyz etiledi. Qashyqtyqtan oqý úshin muǵalimder men oqýshylarǵa qajet 15 myńǵa jýyq kompıýter taratylmaqshy. Sonyń ishinde kompıýterler tabysy tómen otbasylardyń balalaryna, jetimderge jáne erekshe balalarǵa beriledi.

Sondaı-aq, 373 muǵalimge kompıýterler ýaqytsha paıdalanýǵa beriledi.

Qashyqtyqtan oqytý úshin sapaly ınternet kerek ekeni belgili. Búgingi tańda oblystaǵy 635 eldi mekenniń 437-ne keń jolaqty ınternet jetkizilgen. Bıyl taǵy 133 aýyl sapaly ınternetke qosylmaq. Sóıtip jyl sońyna deıin 570 aýyl keń jolaqty ınternetpen qamtamasyz etilmek. Bul barlyq aýyldardyń 90 prosenti.

Shalǵaı aýyldarǵa 1,5 myń roýter men USB-modemder satyp alynady eken. "Olardyń barlyǵy tabysy tómen otbasylardyń balalaryna beriledi. Sonymen birge barlyq mektepterde sanıtarlyq sharalar kúsheıtiledi. Teplovızorlar, sanıtaızerler men dezınfeksııalyq quraldardyń qajetti kólemi alynady. Qajetsiz baılanystardy boldyrmaý úshin mektepterde ashanalar ýaqytsha jumys istemeıdi", dedi Q.Aqsaqalov.

1 qyrkúıekten bastap barlyq mektepterde oqý qashyqtyq formatta ótetindigi de aıtyldy.

"Telesabaqtardyń kórsetilimi "Ál-Farabı" jáne "El-Arnada" 9.00-den 18.00-ge deıin júrgiziledi. Olardy oblystyń barlyq aýyldarynda "OTAU TV" arqyly kórýge bolady. Budan basqa, "Qazteleradıonyń" 29 stansııasy arqyly habar taratý kózdelgen. Qosymsha taǵy 13 stansııa qosylady. Qorytyndysynda oblysty qamtý - 100 prosentti quramaq", dedi ákim.

Q.Aqsaqalov kolledjderdiń jumysyna da toqtalyp ótti.

"Qazir oblysta 25 kolledj bar, sonyń úsheýi qashyqtyqtan jumys istese, on ekisi aralas oqytý júıesine kóshedi. Aýyldardaǵy 10 kolledjde oqytý shtattyq rejimde ótedi", dedi ol.

Aıta ketetin jaıt, oblysta qazir kadr tapshylyǵy máselesi tolyq sheshilgen eken. Sońǵy úsh jylda óńirge 1 390 jas muǵalim syrttan kelipti. Bıyl taǵy 315 jas maman kelmekshi.

Sóziniń sońynda Q.Aqsaqalov qashyqtyqtan oqytý formatynyń ońaı emes ekenin, bul balalar úshin ǵana emes, muǵalimderge de úlken syn ekenin eske saldy.

"Muǵalimder úshin "Qashyqtyqtan oqımyn" onlaın-kýrsy ázirlendi. Qazirdiń ózinde 3 myńǵa jýyq muǵalim daıarlyqtan ótti. Oqý jyly bastalǵanǵa deıin taǵy 10 myń adam oqıdy", dedi ol.

 

Sońǵy jańalyqtar

Muraǵattar muń shaǵady

Ádebıet • Búgin, 19:50

Qarýly Kúshterdiń spartakıadasy ótti

Aımaqtar • Búgin, 15:17

Aqtaýdaǵy "Masat" bazarynda órt shyqty

Aımaqtar • Búgin, 14:00

Tarıhı nysandar jańǵyrtylýda

Qazaqstan • Búgin, 13:05

"Balapan" telearnasyna - 10 jyl

Qazaqstan • Búgin, 11:00

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Uqsas jańalyqtar