Sport • 14 Tamyz, 2020

«Buqalar» «Atletıkony» ábigerge túsirýi múmkin

51 ret kórsetildi

Nur-Sultan ýaqytymen saǵat 00:50-de Chempıondar lıgasynyń shırek fınaldyq oıyny ótedi. «RB Leıpsıg» (Germanııa) «Atletıkoǵa» (Ispanııa) qarsy turady. Jeńimpaz tek bir ǵana kezdesýde anyqtalady. Atalǵan matchty «Qazsport» telearnasy kórsetedi.

Germanııa Býndeslıgasyn úshinshi orynmen aıaqtaǵan «Leıpsıg» Chempıondar lıgasy toptyq kezeńiniń jeńimpazy atandy. Sondaı-aq 1/8 fınalda byltyrǵy Chempıondar lıgasynyń fınalısi «Tottenhemnen» eki oıyn qorytyndysy boıynsha 4:0 esebimen basym tústi. Biraq bul oıyndar aqpan-naýryz aılarynda bolǵan edi. Uzaq úzilisten keıingi qazirgi jaǵdaı basqasha. Sońǵy bes oıynda tek eki ret qana jeńiske jetken «Buqalarǵa» La Lıgada óz qaqpalaryna eń az gol jiberetin komandalardyń biri «Atletıkoǵa» qarsy turý qıynǵa soǵady. Áıtkenmen, Iýlıan Nagelsmannyń shákirtteri birinshi bolyp gol soqsa, ıspan komandasyn ábigerge túsiretini sózsiz. О́ıtkeni «Atletıkonyń» qarsylas komandaǵa kóp gol soǵa bermeıtini de bar.

Ataqty Dıego Sımeone jattyqtyratyn «Atletıko» Ispanııa La lıgasyn úshinshi orynmen aıaqtady. Chempıondar lıgasynyń toptyq kezeńin jeńe almaı, aldyna «Iýventýsty» jiberip aldy. Soǵan qaramastan 1/8 fınalda byltyrǵy Chempıondar lıgasynyń jeńimpazy «Lıverpýlden» basym túsip, sensasııa jasaǵanyn áli umyta qoıǵan joqpyz. Sondyqtan bul komandadan barlyǵyn kútýge bolady.

Bul eki komandanyń nátıjesin boljaý qıyn. Sebebi eki ujym da ishki birinshilikterinde óz qaqpalaryna eń az gol jiberetinder qatarynda. Ásirese, madrıdtikter 38 oıynda nebári 51 dop soǵyp, 27 dop jibergen. 

 

Derekter:

- Lıssabondaǵy «Joze Alvalade» stadıonyndaǵy match «Leıpsıgtiń» ıspan klýbtaryna qarsy alǵashqy resmı matchy;

- toptyq kezeńiniń birinshi raýndynda Portýgalııada «Leıpsıg» «Benfıkany» jeńgen edi (2:1);

- «Leıpsıg» Portýgalııada Chempıondar lıgasynda 2017/18 jylǵy maýsymynda «Portýdan» 1:3 esebimen jeńildi.

- Chempıondar lıgasynyń 14 matchynda «Leıpsıg» jeti ret jeńiske jetip, tórt ret jeńiliske ushyrady jáne úsh ret teń tústi;

- «Leıpsıgtiń» Chempıondar lıgasynyń 2019/20 jylyndaǵy statıstıkasy: 3 jeńis, 1 teń oıyn; – «Leıpsıgtiń» eýrokýboktaǵy pleı-offtaǵy statıstıkasy: 6 jeńis, 1 jeńilis;

- «Atletıko syrt alańda eýrokýboktyń sońǵy 17 oıynynda bes ret jeńiliske ushyrady jáne jeteýinde jeńiske jetti;

- Germanııa klýbtarymen bolǵan sońǵy 44 oıynda «Atletıko» 21 ret jeńis toıyn toılady. 7 ret teń tússe, 16 ret jeńilis tapqan;

- «Atletıko» Germanııadaǵy sońǵy alty oıynda bes ret jeńilis tapty. Sońǵysy «Baıerge» qarsy matchta tirkeldi; 

- «Atletıkonyń» Portýgalııa alańyndaǵy statıstıkasy: 3 jeńis, 2 teń jáne 5 jeńilis.

Sońǵy jańalyqtar

Muraǵattar muń shaǵady

Ádebıet • Búgin, 19:50

Qarýly Kúshterdiń spartakıadasy ótti

Aımaqtar • Búgin, 15:17

Aqtaýdaǵy "Masat" bazarynda órt shyqty

Aımaqtar • Búgin, 14:00

Tarıhı nysandar jańǵyrtylýda

Qazaqstan • Búgin, 13:05

"Balapan" telearnasyna - 10 jyl

Qazaqstan • Búgin, 11:00

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Uqsas jańalyqtar