Abaı • 14 Tamyz, 2020

Festıval eki kúnge jalǵasty

11 ret kórsetildi

10-11 tamyzda Qazaqstan halqy Assambleıasy Abaı kúni jáne uly aqynnyń 175 jyldyq mereıtoıyna oraı respýblıkalyq deńgeıde onlaın poezııa festıvalin uıymdastyrdy.

Etnomádenı birlestikter arasynda uly aǵartýshynyń shyǵarmashylyǵyn nasıhattap, qazaq tiliniń qoldanys aıasyn keńeıtý, elimizdegi turaqtylyq pen birlikti pash etýge arnalǵan poezııa festıvaline bastapqyda elimizdegi etnostardyń memle­kettik tildi erkin meńgergen 175 ókilin qatystyrý kózdelgen bolatyn. Olarǵa qazaq tilinde 175 óleńin oqyp, áleýmettik jeli­de túrli formatta beınetúsiri­lim jarııalaý mindettelgen edi. Alaı­da etnos ókilderiniń aqyn­ǵa degen erekshe qurmeti men il­tıpaty bul mejeden asyp tústi.

Nátıjesinde QHA Baspasóz qyzmetine 705 beınerolık ke­lip tústi. Onyń ishinde 521 qa­tysýshy aqyn óleńderi men aýdar­malaryn qazaq tilinde as­qaq­tatsa, 127-si basqa tilderde aıshyqtaýǵa tyrysty. 126 óner­paz Abaı ánderin shyrqap, qa­ra sózderin naqyshyna keltirip jetkizdi.

Qazaqstan halqy Assambleıa­sy Tóraǵasynyń orynbasary Janseıit Túımebaev etnos ókil­derin qoldaý úshin Abaıdyń 37-qara sózin oqyp, kópshilikke tartý etti.

Barlyq beınejazbalar men rolıkter Assambleıa saıty men óńirlik qurylymdarynyń Facebook, Instagram, Vkontakte, Youtube, Telegramm kanalynda, túrli aqparattyq saıttarda jarııalandy. Atsalysýshylardyń kóptigine baılanysty poezııa fes­tıvali halyqtyq sıpatqa ıe bolyp, eki kúnge jalǵasty. Buǵan qosymsha, Abaı kúninde QHA ǵalymdary men sarapshylary Qazaqstan Prezıdenti Q.Toqaevtyń «Abaı – rýhanı reformator» maqalasynyń ma­ńyzdylyǵyn talqylap, bedeldi BAQ betterinde 50-den astam pikir jarııalady.

QHA Tóraǵasynyń orynbasary J.Túımebaevtyń «Egemen Qazaqstan» jáne «Kazahstanskaıa pravda» gazetterinde «Abaıdy tanytý – boryshymyz», «Nasle­dıe Abaıa – dýhovnyı oplot edın­stva» maqalasy jaryq kór­di. Budan bólek, Assambleıa Túr­kııa, Ázerbaıjan, О́zbekstan, Qyr­ǵyzstan memleketiniń abaı­ta­nýshy-ǵalymdary men tarıh­shylarynyń qatysýymen «Abaı: tarıh jáne qazirgi zaman» halyqaralyq konferen­sııasyn uıymdastyrdy. Jal­py, Qazaqstan halqy Assam­bleıa­synyń  Abaı kúnine arnalǵan is-sharalaryna respýblıka boıynsha 27 795  etnos ókili qamtylsa, onlaın konferensııaǵa feısbýk pen Zoom arqyly 965 sarapshy-ǵalymdar men tarıhshylar qa­tysty.

 

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar